Advertisement

മക്കയിൽ പിറന്നവന്‍ ”മുഹമ്മദ്”; ഹജ്ജിനെത്തിയ നൈജീരിയൻ തീര്‍ത്ഥാടക കുഞ്ഞിന് ജന്മം നല്‍കി

June 13, 2024
Google News 2 minutes Read

ഈ വര്‍ഷത്തെ ഹജ്ജ് തീർഥാടനത്തിനിടയിൽ പുണ്യ സ്ഥലമായ മക്കയിൽ കുഞ്ഞിന് ജന്മം നൽകി 30കാരിയായ നൈജീരിയൻ സ്വദേശി. ഈ വര്‍ഷത്തെ ഹജ് സീസണിലെ തീർഥാടകർക്കിടയില്‍ ആദ്യമായാണ് ഒരു തീര്‍ത്ഥാടക കുഞ്ഞിന് ജന്മം നല്‍കിയത്. ഗർഭാവസ്ഥയുടെ 31-ാം ആഴ്ചയിലായിരുന്നു തീർത്ഥാടക.

പ്രസവവേദന അനുഭവപ്പെട്ടതോടെ ഇവരെ ആശുപത്രിയിലെ അത്യാഹിത വിഭാഗത്തിൽ പ്രവേശിപ്പിക്കുകയായിരുന്നു. ഡോക്ടർമാർ ഉടൻ തന്നെ യുവതിയെ പ്രസവ വാർഡിലേക്ക് മാറ്റി. മാസം തികയാതെയാണ് പ്രസവിച്ചതെങ്കിലും അമ്മയ്ക്കും കുഞ്ഞിനും ആരോഗ്യ പ്രശ്നങ്ങളില്ല. വിശുദ്ധ നഗരത്തിൽ വെച്ച് പിറന്ന കുഞ്ഞായതിനാൽ മുഹമ്മദ് എന്നാണ് ദമ്പതികൾ കുഞ്ഞിന് പേരിട്ടിരിക്കുന്നത്.

Read Also: ഹൈന്ദവ ആരാധനാലയങ്ങൾക്ക് സമീപം മുസ്‌ലിമുകൾ പൂജാസാധനങ്ങൾ വിൽക്കരുതെന്ന് വിഎച്ച്പി

ആശുപത്രി അധികൃതരുടെ ആത്മാർഥതയോടും ഉത്തരവാദിത്വപൂർണവുമായ ഇടപെടലിന് ഏറെ നന്ദിയും കടപ്പാടുമുണ്ടെന്ന് നൈജീരിയൻ ദമ്പതികൾ പറഞ്ഞു. ഹജ്ജ് തീർഥാടന കാലത്ത് മക്കയിലെ മെറ്റേണിറ്റി ആൻഡ് ചിൽഡ്രൻസ് ആശുപത്രി കാര്യക്ഷമമായ രീതിയിൽ ഏറ്റവും മികച്ച ചികിത്സയാണ് നൽകുന്നത്.

Story Highlights : Hajj Pilgrim gave birth to Baby boy in Makkah

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here