മലയാളം എളുപ്പമാ… ഇനിയുള്ള വിഷയങ്ങളിൽ നല്ല ടെൻഷനുണ്ട്; പരീക്ഷ എഴുതി നടന്‍ ഇന്ദ്രൻസ്

മുഖത്ത് നിറചിരിയോടെ അറുപത്തിയെട്ടാം വയസിൽ ഏഴാം ക്ലാസ്സ് തുല്യതാ പരീക്ഷയെഴുതി നടൻ ഇന്ദ്രൻസ്. കേരള സംസ്ഥാന സാക്ഷരതാമിഷന്റെ നേതൃത്വത്തില്‍ നടത്തുന്ന തുല്യതാപരീക്ഷയാണ് ഇന്ദ്രന്‍സ് എഴുതിയത്. തിരുവനന്തപുരം അട്ടക്കുളങ്ങര സ്‌കൂളായിരുന്നു പരീക്ഷാ കേന്ദ്രം.നിറചിരിയോടെ പരീക്ഷാ ഹാളിലെത്തി എല്ലാവരുമായും സൗഹൃദം പങ്കിട്ട ശേഷമാണ് നടന്‍ 484309 എന്ന റോള്‍ നമ്പറിൽ പരീക്ഷയെഴുതാൻ ഇരുന്നത്. സാക്ഷരതാ മിഷന്‍ ഡയറക്ടര്‍ ഒജി ഒലീന ഇന്ദ്രന്‍സിന് ചോദ്യ പേപ്പര്‍ കൈമാറിയത്. മലയാളം പരീക്ഷ നന്നായി ഇനി അങ്ങോട്ടുള്ള വിഷയങ്ങളിലാണ് ടെൻഷൻ… പഠിക്കാൻ തന്നതിൽ കുറച്ചൊക്കെ പരീക്ഷയ്ക്ക് ഉണ്ടായിരുന്നുവെന്നും പുഞ്ചിരിയോടെ ഇന്ദ്രൻസ് പറഞ്ഞു.

Read Also: രഞ്ജിത്ത് ചലച്ചിത്ര അക്കാദമി ചെയർമാൻ സ്ഥാനം ഒഴിഞ്ഞേക്കും; മുഖ്യമന്ത്രിയുടെ ഓഫീസ് രാജി ആവശ്യപ്പെട്ടെന്ന് സൂചന

പത്താം ക്ലാസ് പാസാവുക എന്ന സ്വപ്‌നം ഇന്ദ്രൻസ് പങ്കുവെച്ചിരുന്നു. ഏഴാംക്ലാസ് ജയിച്ചാലേ പത്തില്‍ പഠിക്കാനാവൂ എന്നാണ് സാക്ഷരതാ മിഷന്റെ ചട്ടം. അതുപ്രകാരമാണ് ഏഴാം ക്ലാസ് പരീക്ഷ എഴുതുന്നത്. രണ്ടുദിവസം നീണ്ടുനിൽക്കുന്ന പരീക്ഷ രാവിലെ ഒന്‍പതരയോടെ ആരംഭിച്ച് വൈകിട്ട് നാലരയ്ക്ക് അവസാനിക്കും. ഇന്ന് മലയാളം, ഹിന്ദി, ഇംഗ്ലീഷ് വിഷയങ്ങളിലാണ് പരീക്ഷ നടക്കുന്നത്. നാളെ സാമൂഹ്യശാസ്ത്രം, അടിസ്ഥാന ശാസ്ത്രം, ഗണിതം എന്നീ വിഷയങ്ങളുടെ പരീക്ഷയും നടക്കും. രണ്ടാഴ്ച കഴിഞ്ഞാവും പരീക്ഷയുടെ ഫലം പുറത്തുവിടുക.

Story Highlights : Actor Indrans wrote the 7th class equivalency exam at trivandram