അമർനാഥ് പള്ളത്തിന്റെ ‘കെപി സുധീര-ഹാർട്സ് ഇംപ്രിന്റ്’ പുസ്തകം പ്രകാശിപ്പിച്ചു

അമർനാഥ് പള്ളത്ത് ഇംഗ്ലീഷിൽ എഴുതിയ KP SUDHEERA- HEART’ S IMPRINT എന്ന ജീവചരിത്ര പുസ്തകത്തിൻ്റെ പ്രകാശിപ്പിച്ചു. കഴിഞ്ഞദിവസം പുതിയറ എസ്കെ സാംസ്കാരിക കേന്ദ്രത്തിൽ വെച്ചായിരുന്നു പുസ്തക പ്രകാശന ചടങ്ങ് നടന്നത്. ഗോവ ഗവർണർ PS ശ്രീധരൻ പിള്ള കേരള മനുഷ്യാവകാശ കമ്മറ്റി ജുഷിഷ്യൽ അംഗമായ ബൈജുനാഥിന് നൽകി പുസ്തകം പ്രകാശനം ചെയ്തത്.

തുഞ്ചത്ത് എഴുത്തച്ഛൻ മലയാള സർവകലാശാല വിസി ഡോ. എൽ സുഷമ അധ്യക്ഷയായിരുന്നു. ചടങ്ങിൽ നടനും മാധ്യമപ്രവർത്തകനുമായ ഹരി നമ്പൂതിരി ആമുഖ ഭാഷണം നടത്തി. കോഴിക്കോട് മേയർ ഡോ. ബീന ഫിലിപ്പ് ആയിരുന്നു മുഖ്യാതിഥിയായിരുന്നു. ചടങ്ങിൽ കെ.പി. സുധീരയുടെ ഛായാപടം ചിത്രകാരൻ സുനിൽ സമ്മാനിച്ചു.

റിട്ടയേർഡ് എൻ സി ഈ ആർ ടി ഡോ. MA ഖാദർ (ഡൽഹി)പുസ്തക പരിചയം നടത്തി. റിട്ട. പ്രൊഫസർ ഡോ. ആർസു, അനീസ് ബഷീർ എന്നിവർ പ്രസംഗിച്ചു. കെ.പി. സുധീര, അമർനാഥ് (ഗ്രന്ഥകർത്താവ്) എന്നിവർ സംസാരിച്ചു.

Story Highlights : Amarnath Pallath’s ‘KP SUDHEERA- HEART’ S IMPRINT’ book released