ബലാത്സംഗ കേസ്; നടൻ സിദ്ദിഖിനെതിരെ തന്ത്രപരമായ നീക്കവുമായി അന്വേഷണസംഘം
ബലാത്സംഗ കേസിൽ താൻ അന്വേഷണവുമായി സഹകരിക്കാമെന്നും ചോദ്യം ചെയ്യാൻ വിളിപ്പിക്കണമെന്നും ചൂണ്ടിക്കാട്ടി കഴിഞ്ഞ ദിവസം നടൻ സിദ്ദിഖ് അന്വേഷണ സംഘത്തിന് കത്ത് നൽകിയിരുന്നു. ഇതിലെ അപകടം തിരിച്ചറിഞ്ഞാണ് അന്വേഷണ സംഘത്തിൻ്റെ പെട്ടെന്നുള്ള പ്രതികരണം. വിവരശേഖരണമെന്ന പേരിൽ നോട്ടീസ് നൽകിയ പൊലീസ് ലക്ഷ്യമിടുന്നത് പ്രാഥമിക ചോദ്യം ചെയ്യലെന്നാണ് വിവരം. നാളത്തെ ചോദ്യം ചെയ്യൽ പൂർത്തിയായ ശേഷം സിദ്ദിഖിനെ കസ്റ്റഡിയിൽ വേണമെന്ന ആവശ്യം സുപ്രീം കോടതിയിൽ ഉന്നയിക്കും. ഇതിലൂടെ മുൻകൂർ ജാമ്യം ലഭിക്കുന്നത് തടയുകയാണ് ലക്ഷ്യം.
അതേസമയം, അഭിഭാഷകരുമായി കൂടിക്കാഴ്ച നടത്തിയ നടൻ സിദ്ദിഖ് തനിക്കെതിരായ ആരോപണങ്ങൾ ഖണ്ഡിക്കുന്ന തെളിവുകളുമായിട്ടായിരിക്കും പ്രത്യേക അന്വേഷണ സംഘത്തിന് മുൻപാകെ എത്തുക. തന്നെ വ്യക്തിഹത്യ ചെയ്യുകയാണെന്നും സാമ്പത്തിക താൽപര്യമാണ് പിന്നിലെന്നുമുള്ള വാദം ഉയർത്താനാണ് സിദ്ദിഖ് ലക്ഷ്യമിടുന്നത്. എട്ടു വർഷങ്ങൾക്ക് ശേഷം എത്തിയ പരാതിയിലെ ഗൂഢാലോചനയും നടൻ ആരോപിക്കുന്നു.
Story Highlights : Rape case; Investigation team with strategic move against actor Siddique
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
