ഫ്‌ളവേഴ്‌സ് കൽപ്പാത്തി ഉത്സവ് പത്താം ദിവസത്തിലേക്ക്; സ്‌പെഷ്യല്‍ ടിക്കറ്റ് കൗണ്ടര്‍ ഇന്ന് ആരംഭിക്കും

വിനോദവും വിജ്ഞാനവും വിപണനവും ഒരു കുടക്കീഴില്‍ ഒരുക്കി ഫ്‌ളവേഴ്‌സ് കൽപ്പാത്തി ഉത്സവ് പത്താം ദിവസത്തിലേക്ക്. ഇനിയുളള ഓരോ ദിവസവും സര്‍പ്രൈസുകളുടെ പെരുമഴയാണ് പാലക്കാട്ടുകാര്‍ക്കായി ഒരുക്കിയിരിക്കുന്നത്. കല്പാത്തി ഉത്സവിന്റെ സ്‌പെഷ്യല്‍ ടിക്കറ്റ് കൗണ്ടര്‍ ഇന്ന് കല്പാത്തിയില്‍ ആരംഭിക്കും.

കല്പാത്തി രഥോത്സവത്തിന് കൊടിയേറുന്നതോടെ ഇനി ഉത്സവവേദിയിലൂം ആഘോഷകൊടിയേറ്റാണ്.എആർ – വിആർ വിസ്മയവും കുട്ടേട്ടനുമായുളള ലൈവ് ഇന്ററാക്ഷനും ഒപ്പം കൂടുതല്‍ ഓഫറുകളും ഒരുങ്ങിയിരിക്കുകയാണ് കല്പാത്തി ഉത്സവില്‍. കല്പാത്തി അഗ്രഹാരവീഥികളിലെ ടിക്കറ്റ് കൗണ്ടര്‍ ഇന്ന് പ്രവര്‍ത്തനമാരംഭിക്കും. കുട്ടികള്‍ക്ക് സര്‍പ്രൈസ് ഒരുക്കിയുളള സ്‌കൂള്‍ സന്ദര്‍ശനങ്ങളും പുരോഗമിക്കുകയാണ്.

ഇന്ന് റാഫിയും ആതിര പീറ്റിയും അസ്‌ന നിസാമും മിഥുന്‍രാജ് കടക്കലും പ്രമോദ് പ്രിന്‍സും ഉത്സവവേദിയില്‍ കലാപ്രകടനങ്ങളുമായി എത്തും. ഇന്ദിരാഗാന്ധി മുനിസിപ്പല്‍ സ്റ്റേഡിയത്തില്‍ വൈകീട്ട് മൂന്ന് മണി മുതലാണ് പ്രവേശനം. നവംബർ 17 വരെയാണ് ഫ്‌ളവേഴ്‌സ് കൽപ്പാത്തി ഉത്സവ് നടക്കുന്നത്.

Story Highlights : 24, Flowers Kalpathy Utsav Palakkad