ഫ്‌ളവേഴ്‌സ് കൽപ്പാത്തി ഉത്സവ്; ഇന്ന് പ്രേക്ഷകരെ കയ്യിലെടുക്കാന്‍ സ്റ്റാര്‍ മാജിക്ക് താരങ്ങളും പ്രദീപ് പളളുരുത്തിയും എത്തും
രഥോത്സവലഹരിയിലേക്ക് പാലക്കാട് കടന്നതോടെ ഫ്‌ളവേഴ്‌സ് കല്‍പ്പാത്തി ഉത്സവവേദിയിലും രഥോത്സവാവേശം. ഇന്ന് പാലക്കാട്ടുകാരെ കാണാന്‍ സ്റ്റാര്‍ മാജിക്ക് സംഘങ്ങളെത്തും. പ്രദീപ് പളളുരുത്തിയും ജംഷീദ് മഞ്ചേരിയും ചേര്‍ന്ന് നയിക്കുന്ന സംഗീത നിശയും അശ്വന്ത് അനില്‍കുമാറും സിദ്ദിഖ് റോഷനും ചേര്‍ന്നൊരുക്കുന്ന കോമഡി നൈറ്റും ഇന്നരങ്ങേറും.
17വരെ തുടരുന്ന ഉത്സവാഘോഷം അവസാനഘട്ടത്തിലേക്കെത്തുന്തോറും കല്‍പ്പാത്തിയിൽ തിരക്ക് വര്‍ധിക്കുകയാണ്. കുട്ടേട്ടനുമായുളള ലൈവ് ഇന്ററാക്ഷനും എആര്‍വിആര്‍ വിസ്മയവുമൊക്കെ പാലക്കാട്ടുകാര്‍ ഇതിനോടകം ഏറ്റെടുത്തതാണ്. ഇനി കല്പാത്തി ഉത്സവ് പൂര്‍ത്തിയാകുന്നത് വരെ രാവിലെ 11 മണി മുതല്‍ രാത്രി 10 മണി വരെയാണ് പ്രവേശനം.
ഇത്തവണത്തെ കല്പാത്തി രഥോത്സവം ലോകശ്രദ്ധയിലേക്കെത്തിക്കുക ലക്ഷ്യമിട്ടാണ് ഫ്ളവേഴ്സും ട്വന്റി ഫോറും കലാ-വ്യാപാര-വിനോദ മേളയുമായി എത്തിയത്. 110ല്‍പ്പരം സ്റ്റാളുകളാണ് ഒരുക്കിയിരിക്കുന്നത്. എആര്‍,വിആര്‍ വിസ്മയങ്ങള്‍, ദിവസവും അതിഥികളായി സിനിമാസീരിയല്‍ താരങ്ങള്‍, 80ലധികം ഗായികാഗായക സംഘം,25ലധികം മിമിക്രി താരങ്ങള്‍ എന്നിങ്ങനെ കാഴ്ചകളുടെ കലവറയൊരുക്കുകയാണ് കല്പാത്തി ഉത്സവിലൂടെ ഫ്ളവേഴ്സും ട്വന്റിഫോറും.
Story Highlights : Flowers kalpathy utsav programs Palakkad
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
