കൂടെ നിന്ന എല്ലാവര്‍ക്കും നന്ദി പറഞ്ഞ് എം ടി വാസുദേവന്‍ നായരുടെ മകള്‍ അശ്വതി

എം.ടി വാസുദേവന്‍ നായരുടെ ചികിത്സാ സമയത്ത് കൂടെ നിന്നവര്‍ക്കും മരണത്തില്‍ നേരിട്ടും അല്ലാതെയും അനുശോചനം അറിയിച്ചവര്‍ക്കും നന്ദി അറിയിച്ച് എം.ടിയുടെ മകള്‍ അശ്വതി വി നായര്‍.പ്രധാനമന്ത്രി നരേന്ദ്ര മോദി , പ്രതിപക്ഷ നേതാവ് രാഹുല്‍ ഗാന്ധി, മുഖ്യ മന്ത്രി പിണറായി വിജയന്‍ , ഗവര്‍ണ്ണര്‍മാരായ പി.എസ് ശ്രീധരന്‍ പിള്ള , സി . വി . ആനന്ദ ബോസ് ,കേന്ദ്ര -സംസ്ഥാന മന്ത്രിമാര്‍ , വിവിധ രാഷ്ട്രീയ പ്രതിനിധികള്‍ , സാമൂഹിക , സാംസ്‌കാരിക സാഹിത്യ പ്രമുഖര്‍, ചലച്ചിത്ര പ്രവര്‍ത്തകര്‍ അങ്ങനെ എല്ലാവര്‍ക്കുമാണ് അശ്വതി നന്ദി പറഞ്ഞത്. (MT Vasudevan Nair’s daughter Aswathi thanked everyone who stood by her)

ശ്വാസ തടസ്സത്തെ തുടര്‍ന്ന് കോഴിക്കോട് ബേബി മെമ്മോറിയല്‍ ആശുപത്രിയില്‍ പ്രവേശിച്ച എംടി ചികിത്സയില്‍ കഴിയവേയാണ് എം ടി വിടപറഞ്ഞത്. കഴിഞ്ഞ 15ന് രാവിലെയാണ് ശ്വാസ തടസ്സത്തെ തുടര്‍ന്ന് എം.ടിയെ ആശുപത്രിയില്‍ പ്രവേശിപ്പിച്ചത്. പിന്നാലെ ഹൃദയസ്തംഭനമുണ്ടാവുകയും ആരോഗ്യനില വഷളാവുകയുമായിരുന്നു.

Read Also: റയല്‍ സ്‌റ്റേഡിയം നീളന്‍ പേര് ഒഴിവാക്കുന്നു; ഇനി അറിയപ്പെടുക ബെര്‍ണബ്യൂ എന്ന് മാത്രം

നോവലിസ്റ്റ്, പത്രാധിപര്‍, തിരക്കഥാകൃത്ത്, സംവിധായകന്‍. എംടിയെന്ന രണ്ടക്ഷരത്തില്‍ സര്‍ഗാത്മകതയുടെ വിവിധ മേഖലകളില്‍ എന്നും മലയാളിയെ അത്ഭുതപ്പെടുത്തിയ പ്രതിഭയാണ് മാടത്ത് തെക്കേപ്പാട്ട് വാസുദേവന്‍ നായര്‍. ഇന്ത്യന്‍ സാഹിത്യത്തിലെ അതികായനായ എഴുത്തുകാരന്റെ സംഭാവനകള്‍ പല തലമുറകളിളില്‍ മായാത്ത മുദ്ര പതിപ്പിച്ചു. ലളിതമായ ഭാഷയും ചിരപരിചിതമായ ജീവിതപരിസരവും അക്ഷരങ്ങളിലൂടെയും അഭ്രപാളിയിലൂടെയും ജീവിതയാഥാര്‍ത്ഥ്യങ്ങളുടെ നേര്‍ക്കാഴ്ചയാണ് എം ടി നമുക്ക് സമ്മാനിച്ചത്.

Story Highlights : MT Vasudevan Nair’s daughter Aswathi thanked everyone who stood by her