അയിലം ഉണ്ണികൃഷ്ണൻ അന്തരിച്ചു

നടനും കാഥികനുമായ അയിലം ഉണ്ണികൃഷ്ണൻ അന്തരിച്ചു. ന്യൂമോണിയ ബാധിച്ച് തിരുവനന്തപുരം മെഡിക്കൽ കോളജിൽ ചികിത്സയിലിരിക്കെയായിരുന്നു മരണം. ക​ഴി​ഞ്ഞ​ 50​ ​വ​ർ​ഷ കാലത്തെ ക​ഥാ​പ്ര​സം​ഗ​ പാരമ്പര്യമുള്ള പ്രതിഭയാണ് വിടപറഞ്ഞ ​അയിലം ഉണ്ണികൃഷ്ണൻ. കേരള സംഗീത നാടക അക്കാദമി ഭരണ സമിതി അംഗമാണ്.

സാം​ബ​ശി​വ​​ന്റെ​യും​ ​കെ​ടാ​മം​ഗ​ലം​ ​സ​ദാ​ന​ന്ദ​ന്റെ​യും​ ​ക​ഥാ​പ്ര​സം​ഗ​ങ്ങ​ൾ​ ​കേ​ട്ടി​രു​ന്ന അയിലം ഉണ്ണികൃഷ്ണന് ​ ​ ​കാ​ഥി​ക​നാ​കാ​നാ​യി​രു​ന്നു​ ​ആ​ഗ്ര​ഹം.​ ​അങ്ങിനെയാണ് ​ ​അ​ക്കാ​ല​ത്ത് ​യു​വാ​ക്ക​ളു​ടെ​ ​ഹ​ര​മാ​യി​രു​ന്ന​ ​മ​ണ​മ്പൂ​ർ​ ​ഡി.​രാ​ധാ​കൃ​ഷ്ണ​ന്റെ​ ​ശി​ഷ്യ​ത്വം​ ​ ​സ്വീ​ക​രി​ക്കുന്നത്. പിന്നീട് വ​ർ​ക്ക​ല​ ​എ​സ്എ​ൻകോ​ളേ​ജി​ൽ​ ​പ​ഠി​ക്കു​മ്പോ​ഴാ​ണ് ​ക​ഥാ​പ്ര​സം​ഗ​ത്തി​ൽ അരങ്ങേറ്റം കുറിക്കുന്നത്. ​ആ​ദ്യ​ ​വ​ർ​ഷം​ ​ത​ന്നെ​ 42​ ​ക​ഥ​ക​ളാണ്‌ അവതരിപ്പിച്ചത്‌. രക്ത​പു​ഷ്പം​ ​എ​ന്ന ​ക​ഥ​യാ​ണ് ആദ്യമായി അവതരിപ്പിക്കുന്നത്‌.

കേ​ര​ള​ ​സം​സ്ഥാ​ന​ ​പു​ര​സ്കാ​രം,​ ​സാം​ബ​ശി​വ​ൻ​ ​പു​ര​സ്കാ​രം,​ ​കെ​ടാ​മം​ഗ​ലം​ ​പു​ര​സ്കാ​രം,​ ​പ​റ​വൂ​ർ​ ​സു​കു​മാ​ര​ൻ​ ​പു​ര​സ്കാ​രം,​ ​ഇ​ട​ക്കൊ​ച്ചി​ ​പ്ര​ഭാ​ക​ര​ൻ​ ​പു​ര​സ്കാ​രം​ ​എന്നിവ ലഭിച്ചിട്ടുണ്ട്‌.​ ​ചെ​മ്പ​ഴ​ന്തി​ ​കോ​ളജി​ലെ​ ​സ​ഹ​പാ​ഠി​യാ​യി​രു​ന്ന​ ​സ​ന്താ​ന​വ​ല്ലി​യെ​ ​ആ​ണ് അയിലം ഉണ്ണികൃഷ്ണൻ ​ജീവിത സഖിയാക്കിയത്.​ ​രാ​ജേ​ഷ് ​കൃ​ഷ്ണ​ ,​ ​രാ​ഗേ​ഷ് ​കൃ​ഷ്ണ​ ​എ​ന്നി​വ​രാ​ണ് ​മക്ക​ൾ. സംസ്കാരം പിന്നീട് നടക്കും. മൂത്തമകൻ വിദേശത്ത് ആയതിനാൽ മൃതദേഹം മോർച്ചറിയിലേക്ക് മാറ്റി.ചൊവ്വാഴ്ച ഭാരത് ഭവനിലും പാങ്ങപ്പാറയിലെ വസതിയിലും പൊതുദർശനം.

Story Highlights : Aylam Unnikrishnan passed away