ജെഎൻയുവിലെ തെരഞ്ഞെടുപ്പ് നടപടികള്‍ നിർത്തിവെച്ചു; സംഘർഷങ്ങൾ കണക്കിലെടുത്താണ് തീരുമാനം

ജെഎൻയു സർവകലാശാലയിലെ വിദ്യാർത്ഥി യൂണിയൻ തെരഞ്ഞെടുപ്പ് പ്രക്രിയ താൽക്കാലികമായി നിർത്തിവെച്ചു. കഴിഞ്ഞ ദിവസം ക്യാമ്പസിൽ ഉണ്ടായ സംഘർഷം പരിഗണിച്ചാണ് ഇലക്ഷൻ കമ്മിറ്റിയുടെ തീരുമാനം.സ്ഥാനാർത്ഥികളുടെ അവസാന പട്ടിക പുറത്തുവിടുന്നതും മാറ്റിവച്ചിട്ടുണ്ട്. പുതിയ തീയതി പിന്നീട് അറിയിക്കും.

സംഘർഷമുണ്ടാകില്ലെന്ന് അധികൃതരും വിദ്യാർത്ഥി സംഘടനകളും ഉറപ്പ് നൽകിയാൽ മാത്രമേ തെരഞ്ഞെടുപ്പ് നടപടികൾ പുനരാരംഭിക്കൂവെന്നാണ് തെരഞ്ഞെടുപ്പ് കമ്മിറ്റിടെ തീരുമാനം.അക്രമത്തിൽ പങ്കെടുത്തവർക്കെതിരെ കർശന നടപടി വേണമെന്ന് തെരഞ്ഞെടുപ്പ് കമ്മിറ്റി ആവശ്യപ്പെട്ടു.

അതേസമയം, തെരഞ്ഞെടുപ്പ് കമ്മിറ്റിയുടെ നടപടിക്കെതിരെ എബിവിപി രംഗത്ത് വന്നു. തെരഞ്ഞെടുപ്പ് കമ്മിറ്റി തീരുമാനം അംഗീകരിക്കാൻ ആവില്ലെന്ന് എബിവിപി പ്രതികരിച്ചു.

Story Highlights : JNUSU Election Process Indefinitely Suspended Due to Rising Violence