മുൻവൈരാ​ഗ്യം; കോഴിക്കോട് മൂന്ന് പേരെ കുത്തി പരുക്കേൽപ്പിച്ച് അയൽവാസി

കോഴിക്കോട് വടകര കുട്ടോത്ത് മൂന്ന് പേർക്ക് അയൽവാസിയുടെ കുത്തേറ്റു. പരുക്കേറ്റ മലച്ചാൽ പറമ്പത്ത് ശശി, രമേശൻ, ചന്ദ്രൻ എന്നിവരെ ആശുപത്രിയിൽ പ്രവേശിപ്പിച്ചു. ഇവരുടെ അയൽവാസി മലച്ചാൽ പറമ്പത്ത് ഷാനോജാണ് അക്രമം നടത്തിയത്. പ്രതിയെ പൊലീസ് കസ്റ്റഡിയിലെടുത്തു. മുൻവൈരാ​ഗ്യമാണ് ആക്രമണത്തിന് കാരണമെന്നാണ് വിവരം. ഇന്ന് വൈകുന്നേരം 7.30ഓടെയാണ് സംഭവം നടന്നത്. പരുക്കേറ്റവരിൽ ശശിയുടെ നില ഗുരുതരമാണ്. ശശിയുടെ വയറിനാണ് കുത്തേറ്റിട്ടുള്ളത്. സംഭവത്തിൽ വിശദമായിട്ടുള്ള അന്വേഷണം നടന്നുവരികയാണ്.

Story Highlights : Three injured after Neighbor stabs in Kozhikode