​ഗുജറാത്തിന് ബൈ കൊടുത്ത് മുംബൈ; നീലപ്പട രണ്ടാം ക്വാളിഫയറിലേക്ക്; ജയം 20 റൺസിന്

ഐപിഎല്ലില്ലിലെ എലിമിനേറ്റർ പോരാട്ടത്തിൽ മുംബൈക്ക് ജയം. ​ഗുജറാത്ത് ടൈറ്റൻസിനെ 20 റൺസിനെ പരാജയപ്പെടുത്തിയാണ് മുംബൈ ക്വാളിഫയർ രണ്ട് ഉറപ്പിച്ചിരിക്കുന്നത്. 229 റൺസ് വിജയലക്ഷ്യം റൺസ് വിജയലക്ഷ്യം പിന്തുടർന്ന ​ഗുജറാത്തിന്റെ പോരാട്ടം ആറ് വിക്കറ്റ് നഷ്ടത്തിൽ 208 റൺസിൽ അവസാനിച്ചു. 80 റണ്‍സെടുത്ത സായ് സുദര്‍ശനും 48 റണ്‍സെടുത്ത വാഷിംഗ്ടണ്‍ സുന്ദറും മിന്നും പ്രകടനം പുറത്തെടുത്തെങ്കിലും വിജയം മുംബൈയ്‌ക്കൊപ്പമായിരുന്നു.

മുംബൈയ്ക്കായി ട്രെന്‍ഡ് ബോള്‍ട്ട് 2 വിക്കറ്റും ബുംമ്ര, റിച്ചാര്‍ഡ് ഗ്ലീസണ്‍, സാന്റ്‌നര്‍, അശ്വിനി കുമാര്‍ എന്നിവര്‍ ഓരോ വിക്കറ്റും വീഴത്തി. ടോസ് നേടി ആദ്യം ബാറ്റ് ചെയ്ത മുംബൈ നിശ്ചിത 20 ഓവറിൽ 5 വിക്കറ്റ് നഷ്ടത്തിൽ 228 റൺസ് നേടി. രോഹിത് ശർമയുടെ മികച്ച പോരാട്ടമാണ് മുംബൈയെ 200 കടത്തിയത്. രോഹിത് ശർമ 81 റൺസ് നേടി. 50 പന്തുകൾ നേരിട്ട രോഹിത് 9 ബൗണ്ടറികളുടെയും 4 സിക്സറുകളുടെയും അകമ്പടിയോടെ 81 റൺസ് നേടിയാണ് മടങ്ങിയത്.

ക്വാളിഫയർ രണ്ടിൽ പഞ്ചാബ് കിങ്സ് ആണ് മുംബൈയുടെ എതിരാളി. ഈ പോരില്‍ ജയിക്കുന്നവരാണ് ഫൈനലില്‍ റോയല്‍ ചലഞ്ചേഴ്‌സ് ബെംഗളൂരുവിനെ നേരിടുക.

Story Highlights : IPL 2025 Eliminator, GT vs MI Mumbai Indians beat Gujarat Titans by 20 runs