ചിന്നസ്വാമി സ്റ്റേഡിയത്തില്‍ ഉണ്ടായ അപകടം: കര്‍ണാടക ഹൈക്കോടതി സ്വമേധയാ കേസെടുത്തു

ബെംഗളൂരു ചിന്നസ്വാമി സ്റ്റേഡിയതില്‍ ഉണ്ടായ അപകടത്തില്‍ കര്‍ണാടക ഹൈക്കോടതി സ്വമേധയാ കേസെടുത്തു. ചൊവ്വാഴ്ചയ്ക്കകം സര്‍ക്കാര്‍ വിശദീകരണം നല്‍കണം. സംഭവത്തില്‍ മജിസ്റ്റീരിയല്‍ അന്വേഷണം ആരംഭിച്ചു. ആര്‍സിബി മാനേജ്‌മെന്റിനും, ബിസിസിഐക്കും ഇവന്റ് മാനേജ്‌മെന്റ് ടീമിനും നോട്ടിസ് അയക്കും. പോലീസിന് വീഴ്ച്ചയുണ്ടായിട്ടില്ലെന്ന് കാട്ടി ഡി ജി പി മുഖ്യമന്ത്രിക്ക് റിപ്പോര്‍ട്ട് നല്‍കി.

അപകടത്തില്‍ നടുക്കം രേഖപ്പെടുത്തിയ ഹൈക്കോടതി സര്‍ക്കാരിനോട് റിപ്പോര്‍ട്ട് ആവശ്യപ്പെട്ടിരുന്നു. ഉച്ചയ്ക്ക് റിപ്പോര്‍ട്ട് വായിച്ച ശേഷം സ്റ്റേഡിയത്തിലെ സുരക്ഷയെ പറ്റിയും മുന്‍കരുതലുകളെ പറ്റിയും കോടതി ചോദിച്ചു. ഫ്രീ പാസ് നല്‍കിയിരുന്നോ എന്ന ചോദ്യത്തിന് ആര്‍ സി ബി മാനേജ്‌മെന്റ് ആണ് പരിപാടിയുടെ സംഘടകര്‍ എന്ന് സര്‍ക്കാര്‍ മറുപടി നല്‍കി. പിന്നാലെയാണ് കോടതി അന്വേഷണത്തിന് ഉത്തരവിട്ടത്. ഇതിനിടെ സര്‍ക്കാര്‍ പ്രഖ്യാപിച്ച മജിസ്‌ട്രെറ്റ് തല അന്വേഷണം ആരംഭിച്ചു. ആര്‍സിബിക്കും, ഇവന്റ് മാനേജ്‌മെന്റ് ടീമിനും ബിസിസിഐക്കും നോട്ടിസ് അയക്കും.

ഇതിനിടെ തങ്ങള്‍ക്ക് വീഴ്ചയുണ്ടായിട്ടില്ലെന്ന് ചൂണ്ടിക്കാട്ടി പോലീസ് കൈകഴുകി. സാധ്യമായത് എല്ലാം ചെയ്തെന്ന് ആണ് ഡിജിപി മുഖ്യമന്ത്രിക്ക് നല്‍കിയ റിപ്പോര്‍ട്ടില്‍ ഉള്ളത്. മാധ്യമങ്ങളെ കണ്ട ഉപമുഖ്യമന്ത്രി ഡി കെ ശിവകുമാര്‍ പൊട്ടിക്കരഞ്ഞു.

Story Highlights : Karnataka High Court Takes Suo Motu Cognizance Of Stampede During Celebrations Of RCB’s IPL Victory