‘മുഹമ്മദ് മുഹ്സിൻ തെറ്റുകൾ ഏറ്റുപറഞ്ഞു; തിരുത്തി മുന്നോട്ടുപോകും’; സിപിഐ പാലക്കാട് ജില്ലാ സെക്രട്ടറി

പട്ടാമ്പി എംഎൽഎ മുഹമ്മദ് മുഹ്സിൻ തെറ്റുകൾ ഏറ്റുപറഞ്ഞെന്ന് സിപിഐ പാലക്കാട് ജില്ലാ സെക്രട്ടറി കെ പി സുരേഷ് രാജ്. തിരുത്തി മുന്നോട്ടുപോകുമെന്ന് മുഹമ്മദ് മുഹ്സിൻ ജില്ലാ കൗൺസിലിൽ അറിയിച്ചതായും കെ പി സുരേഷ് രാജ് പറഞ്ഞു. ജില്ലാ സമ്മേളനത്തിൽ ചർച്ചയ്ക്കുള്ള മറുപടിയിലാണ് കെ പി സുരേഷ് രാജിന്റെ പ്രതികരണം.

നേരത്തെ,ജില്ലാ സമ്മേളനം മുഹമ്മദ് മുഹ്സിനെ സംസ്ഥാന സമ്മേളന പ്രതിനിധി പട്ടികയിൽ നിന്ന് ഒഴിവാക്കിയിരുന്നു. അതേസമയം, എംഎൽഎയ ജില്ലാ കൗൺസിലിൽ നിലനിർത്തി. രണ്ട് ദിവസമായി സിപിഐ ജില്ലാ സമ്മേളനത്തിന്റെ പ്രതിനിധി സമ്മേളനം വടക്കഞ്ചേരിയിൽ നടക്കുകയാണ്. അതിന്റെ ഭാഗമായാണ് ഇന്ന് പാനൽ തയാറാക്കിയത്. ഇതിൽ നിന്നാണ് അദ്ദേഹത്തെ ഒഴിവാക്കിയത്.

Read Also: മുഹമ്മദ് മുഹ്‌സിന്‍ എംഎല്‍എയെ സംസ്ഥാന സമ്മേളന പ്രതിനിധിയാക്കാതെ പാര്‍ട്ടി പാലക്കാട് ജില്ലാ സമ്മേളനം

വിവിധ വർഗ ബഹജന സംഘടനകളുടെ ആളുകളെ ഉൾപ്പെടുത്തുന്നതിനാൽ മുഹമ്മദ് മുഹ്‌സിനെ ഒഴിവാക്കുന്നുവെന്ന അനൗദ്യോഗിക വിശദീകരണം സിപിഐ നൽകുന്നുണ്ട്.

Story Highlights : CPI Palakkad District Secretary about Muhammed Muhsin