അതുല്യയുടെ മൃതദേഹം ഇന്ന് നാട്ടിലെത്തിക്കും; മകൾ ആത്മഹത്യ ചെയ്തത് ഭർത്താവിന്റെ പീഡനം മൂലമെന്ന് പിതാവ്

ഷാർജയിലെ ഫ്ളാറ്റിൽ മരിച്ച നിലയിൽ കണ്ടെത്തിയ കൊല്ലം ചവറ തെക്കുംഭാഗം സ്വദേശി അതുല്യയുടെ മൃതദേഹം ഇന്ന് നാട്ടിലേക്ക് എത്തിക്കും. അതുല്യയുടേത് ആത്മഹത്യയെന്നുള്ള ഫോറൻസിക് ഫലം ഇന്നലെ ലഭിച്ചിരുന്നു. ഭർത്താവിന്റെ പീഡനം മൂലമാണ് അതുല്യ ആത്മഹത്യ ചെയ്തതെന്ന് പിതാവ് രാജശേഖരൻ ട്വന്റിഫോറിനോട് പറഞ്ഞു. മൃതദേഹം നാട്ടിലെത്തിച്ച് റീ പോസ്റ്റ്മോർട്ടം ചെയ്യുമെന്നും പിതാവ് വ്യക്തമാക്കി.

ക്രൂരപീഡനം നടന്നിരുന്നു. പീഡനത്തിന് ഒടുവിലാണ് മകൾ ആത്മഹത്യ ചെയ്തത്. ഇന്ത്യൻ ശിക്ഷ നിയമപ്രകാരമുള്ള നടപടികൾ സ്വീകരിക്കും. അതുല്യയുടെ മരണം മകളെ ഇതുവരെ അറിയിച്ചിട്ടില്ല. ഭർത്താവ് പറഞ്ഞത് എല്ലാം കളവ് എന്ന് തെളിഞ്ഞു. മർദിച്ച് അവശയാക്കിയതിന് പിന്നാലെയായെയാണ് മകൾ ആത്മഹത്യ ചെയ്തെന്ന് പിതാവ് രാജശേഖരൻ പറഞ്ഞു.

Read Also: നിമിഷപ്രിയയുടെ വധശിക്ഷ റദ്ദാക്കിയെന്ന് റിപ്പോർട്ടുകൾ; സ്ഥിരീകരിക്കാതെ കേന്ദ്രസർക്കാർ

മകൾ ആത്മഹത്യ ചെയ്യുമെന്ന് ഒരിക്കലും താൻ വിശ്വസിക്കുന്നില്ലെന്ന് രാജശേഖരൻ പറഞ്ഞു. ഒരു കാരണവശാലും അങ്ങനെ സംഭവിക്കില്ല. ഇതിൽ കൂടുതൽ അന്വേഷണം നടക്കട്ടെ. കേരള പൊലീസിൽ വിശ്വാസമുണ്ട്. മകൾ അനുഭവിച്ച പീഡനങ്ങൾ തനിക്ക് നേരിട്ട് ബോധ്യമുള്ളതാണെന്ന് പിതാവ് പറഞ്ഞു. എന്നും മകൾ ജീവന് വേണ്ടി അവന് മുന്നിൽ യാചിക്കുന്നതാണ് കണ്ടിട്ടുള്ളത്. നീചമായ പ്രവർത്തികളാണ് ഭർത്താവ് സതീഷ് തുടർന്നുകൊണ്ടിരുന്നതെന്ന് രാജശേഖരൻ പറഞ്ഞു. അർഹമായ ശിക്ഷ വാങ്ങി കൊടുക്കാൻ നിയമസംവിധാനങ്ങൾ മുന്നിട്ട് ഇറങ്ങണമെന്ന് അദേഹം ആവശ്യപ്പെട്ടു.

ഷാർജയിലെ ഫ്ളാറ്റിൽ മരിച്ച നിലയിൽ കണ്ടെത്തിയ കൊല്ലം തേവലക്കര സ്വദേശി അതുല്യയുടെ മൃതദേഹം ഇന്ന് നാട്ടിലേക്ക് കൊണ്ടുപോയേക്കും. മരണം ആത്മഹത്യയെന്നുള്ള ഫോറൻസിക് ഫലം ഇന്നലെ ലഭിച്ചിരുന്നു.മൃതദേഹം നാട്ടിലെത്തിക്കനുള്ള നടപടികൾ ഇന്ന് പൂർത്തിയാകും. ഈമാസം 19-ന് പുലർച്ചെയാണ് അതുല്യയെ മരിച്ച നിലയിൽ കണ്ടെത്തിയത് .അതുല്യയുടെ ഭർത്താവ് സതീഷിന് മരണത്തിൽ പങ്കുണ്ടെന്ന് കാട്ടി കുടുംബം ഷാർജ പോലീസിന് പരാതി നൽകിയിരുന്നു.

Story Highlights : Atulya’s body to be brought home today from Sharjah