ഗുരുവായൂരിൽ ചോറൂണിനെത്തിയ സംഘത്തിന്റെ 12 ഫോണുകൾ മോഷണം പോയി

ഗുരുവായൂരിൽ ചോറൂണിനെത്തിയവരുടെ 12 ഫോണുകൾ മോഷണം പോയി. പാലക്കാട് തിരുനല്ലായി സ്വദേശി ഗണേശന്റെ കുട്ടിയുടെ ചോറൂണിനെത്തിയ ഇരുപത്തിയഞ്ചംഗ സംഘത്തിന്റെ വാഹനത്തിലാണ് മോഷണം നടന്നത്.

രണ്ട് വാഹനങ്ങളിലായി ഗുരുവായൂരിലെത്തിയ ഇവർ കൗസ്തുഭം ഗ്രൗണ്ടിൽ വണ്ടി പാർക്ക് ചെയ്താണ് പോയത്. ചോറൂണും കഴിഞ്ഞ് ക്ഷേത്ര ദർശനത്തിന് ശേഷം തിരിച്ചെത്തിയപ്പോഴാണ് മോഷണം അറിഞ്ഞത്

ക്ഷേത്രത്തിനുള്ളിൽ മൊബൈൽ ഫോണിന് നിരോധന മുള്ളതിനാൽ രണ്ടു വാഹനങ്ങളിൽ ബാഗിനുള്ളിലായാണ് ഫോണുകൾ സൂക്ഷിച്ചിരുന്നത്.

guruvayur 12 mobile phones stolen