ചൈനയിൽ നിന്നുള്ള ഇറക്കുമതി തീരുവ 25 ശതമാനമാക്കി വർധിപ്പിച്ച് അമേരിക്ക

ചൈനയിൽ നിന്നുള്ള ഇറക്കുമതി തീരുവ 25 ശതമാനമായി അമേരിക്ക വർധിപ്പിച്ചു. അമേരിക്കൻ നടപടി നേരിടുമെന്ന് ചൈന പ്രതികരിച്ചു.

ബൗദ്ധിക സ്വത്തവകാശത്തിലും സാങ്കേതികവിദ്യ കൈമാറ്റത്തിലുമുണ്ടായ വീഴ്ചകൾ മൂലം ചൈനക്കെതിരെ ഉപരോധത്തിനൊരുങ്ങിയിരിക്കുകയാണ് അമേരിക്ക. ഇതിന്റെ ഭാഗമായാണ് ചൈനയിൽ നിന്നുള്ള ഇറക്കുമതി തീരുവ വർധിപ്പിച്ചത്.

വ്യാപാരക്കരാറുകളിലെ ഗുരുതര ചട്ടലംഘനങ്ങളും അമേരിക്ക ഉയർത്തിക്കാട്ടി. നിരവധി രാജ്യങ്ങൾ അമേരിക്കയെ ഉപയോഗിച്ച് നേട്ടം കൊയ്യുകയാണ്. വർഷങ്ങളായി ഇത് തുടർന്നുപോരുകയാണെന്നും ഇനി അനുവദിക്കില്ലെന്നും ട്രംപ് പറഞ്ഞു. അതേസമയം എല്ലാ മുൻകരുതൽ നടപടികളും സ്വീകരിക്കുമെന്ന് ചൈന നേരത്തെ അറിയിച്ചിരുന്നു. ഇരുരാജ്യങ്ങളും തമ്മിലുള്ള വ്യാപാരയുദ്ധം ആഗോള വ്യാപാര യുദ്ധത്തിലേക്ക് വഴി വക്കുമോയെന്ന ഭീതിയും ഉയരുന്നുണ്ട്.