എ.എൻ.ഷംസീർ എംഎൽഎയുടെ ഭാര്യയുടെ നിയമനം; ഹൈക്കോടതി വിശദീകരണം തേടി

എ.എൻ.ഷംസീർ എംഎൽഎയുടെ ഭാര്യയ്ക്ക് നിയമനം നൽകിയ സംഭവത്തിൽ ഹൈക്കോടതി വിശദീകരണം തേടി. കണ്ണൂർ സർവകലാശാലയോടാണ് കോടതി വിശദീകരണം തേടിയിരിക്കുന്നത്.കണ്ണൂർ സർവകലാശാലയിൽ അസി.പ്രൊഫസർ ആയി കരാർ അടിസ്ഥാനത്തിലാണ് എംഎൽഎയുടെ ഭാര്യയ്ക്ക്  നിയമനം നൽകിയിരിക്കുന്നത്.

നിയമന പട്ടികയിൽ ഒന്നാം സ്ഥാനത്തുള്ള ഡോ.എം.പി.ബിന്ദുവാണ് ഷംസീറിന്റെ ഭാര്യയെ നിയമിച്ചത് ചോദ്യം ചെയ്ത് ഹൈക്കോടതിയിൽ ഹർജി നൽകിയത്. ഇൗ ഹർജിയിലാണ് ഹൈക്കോടതിയുടെ നടപടി.