ശബരിമല വിധി; ഒരു വിഭാഗം വിശ്വാസികളുടെ പ്രതിഷേധങ്ങളെ ഭയപ്പെടുന്നില്ല: കാനം രാജേന്ദ്രന്‍

ശബരിമല വിധിയുമായി ബന്ധപ്പെട്ട് ഒരു വിഭാഗം വിശ്വാസികള്‍ നടത്തുന്ന പ്രതിഷേധത്തെ ഭയപ്പെടുന്നില്ലെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്‍. ഭരണഘടനാപരമായ നടപടികളുമായി മുന്നോട്ടുപോകുകയെന്നത് സര്‍ക്കാറിന്റെ ഉത്തരവാദിത്വമാണെന്നും കാനം കൂട്ടിച്ചേര്‍ത്തു. നേരത്തെ, സുപ്രീം കോടതി വിധിയില്‍ റിവ്യൂ ഹര്‍ജി നല്‍കില്ലെന്ന് മുഖ്യമന്ത്രി വ്യക്തമാക്കിയിരുന്നു. വിധി നടപ്പില്‍ വരുത്തുന്നുതിന് വേണ്ടിയുള്ള നടപടികളുമായി മുന്നോട്ട് പോകുകയാണ് സംസ്ഥാന സര്‍ക്കാര്‍.