കുറ്റിപ്പുറത്ത് വൃദ്ധയെ തലയ്ക്കടിച്ച് കൊലപ്പെടുത്തിയ കേസില്‍ പ്രതി പിടിയില്‍

മലപ്പുറം കുറ്റിപ്പുറം നടുവട്ടത്ത് ഒറ്റയ്ക്ക് താമസിക്കുന്ന സ്ത്രീയെ കൊലപ്പെടുത്തിയ കേസില്‍ പ്രതി ഷാഫി പിടിയിലായി. പ്രതിയെ പൊലീസ് സംഭവസ്ഥലത്തെത്തിച്ച് തെളിവെടുപ്പ് നടത്തി. വെള്ളിയാഴ്ചയാണ് 65കാരിയായ കുഞ്ഞിപ്പാത്തുമ്മ തലയ്ക്കടിയേറ്റ് മരിച്ചത്. ഇവരെ തലയ്ക്കടിച്ച് കൊലപ്പെടുത്താനുപയോഗിച്ച കല്ല് പൊലീസ് കണ്ടെടുത്തു. സംഭവം നടന്ന സമീപ പ്രദേശത്ത് നിന്ന് പ്രതിയുടെ ചെരിപ്പും ബൈക്കും പൊലീസ് കണ്ടെത്തിയിട്ടുണ്ട്.

ഇന്നലെയും സമാനമായ സംഭവം മലപ്പുറത്ത് നടന്നിരുന്നു. രണ്ട് കൊലപാതകങ്ങള്‍ തമ്മിലും ബന്ധമുണ്ടോയെന്ന് പൊലീസ് അന്വേഷിക്കുകയാണ്. മോഷണശ്രമമാണ് കൊലപാതകത്തിന് പിന്നിലെന്നാണ് പ്രാഥമിക സൂചന.

Story Highlights: kuttipuram murder case