ഒസാമ ബിന് ലാദന്റെ കുടുംബത്തില് നിന്ന് ചാള്സ് രാജകുമാരന്റെ ചാരിറ്റി 1 മില്യണ് പൗണ്ട് സംഭാവന സ്വീകരിച്ചതായി റിപ്പോര്ട്ട്
ചാള്സ് രാജകുമാരന് സ്ഥാപിച്ച ചാരിറ്റബിള് ഫണ്ടിലേക്ക് (പിഡബ്ല്യുസിഎഫ്) കൊല്ലപ്പെട്ട അല്-ഖ്വയ്ദ നേതാവ് ഒസാമ ബിന് ലാദന്റെ കുടുംബത്തില് നിന്ന് സംഭാവന സ്വീകരിച്ചതായി റിപ്പോര്ട്ട്.
യുകെ മാധ്യമമായ സണ്ഡേ ടൈംസ് റിപ്പോര്ട്ട് പ്രകാരം ചാള്സ് രാജകുമാരന് അല് ഖ്വയ്ദയുടെ സ്ഥാപകന്റെ അര്ദ്ധസഹോദരന് ബക്കറുമായി ലണ്ടനില് കൂടിക്കാഴ്ച നടത്തുകയും 1 മില്യണ് ബ്രിട്ടീഷ് പൗണ്ട് സ്വീകരിച്ചെന്നും പറയുന്നു. എന്നാല് രാജകുടുംബത്തിലെ പല ഉപദേശകരും ഈ പണം തിരികെ നല്കാന് ആവശ്യപ്പെട്ടെന്നും റിപ്പോര്ട്ടിലുണ്ട്.
അതേസമയം രാജകുമാരന് ഇക്കാര്യത്തില് വ്യക്തിപരമായ ഇടപെടലുണ്ടെന്ന വാര്ത്ത അദ്ദേഹത്തിന്റെ ഓഫിസ് തള്ളി. ചാരിറ്റിയുടെ ട്രസ്റ്റികള് മാത്രമാണ് ഇതില് തീരുമാനമെടുക്കുന്നത്. വിഷയത്തെ തെറ്റായി ചിത്രീകരിക്കുകയാണെന്നും ക്ലാരന്സ് ഹൗസ് വക്താവ് പറഞ്ഞു.
Read Also: ഒസാമ ബിന് ലാദന്റെ മകന്റെ പൗരത്വം സൗദി അറേബ്യ റദ്ദാക്കി
2013ല് ഷെയ്ഖ് ബക്കര് ബിന് ലാദനില് നിന്നുള്ള സംഭാവന അക്കാലത്തെ പിഡബ്ല്യുസിഎഫ് ട്രസ്റ്റികള് ശ്രദ്ധാപൂര്വ്വം പരിഗണിച്ചിരുന്നതായി പ്രിന്സ് ഓഫ് വെയില്സിന്റെ ചാരിറ്റബിള് ഫണ്ട് അധികൃതര് പറയുന്നു
Story Highlights: Prince Charles’ charity accepted money from Osama Bin Laden’s family
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here