30
Nov 2021
Tuesday
Covid Updates

    മാതൃകയായി മാതൃകാ ബൂത്തുകള്‍

    കേരളത്തില്‍  തെരഞ്ഞെടുപ്പിനായി സജ്ജീകരിച്ച  മാതൃകാ പോളിംഗ് ബൂത്തുകള്‍ ശ്രദ്ധേയമാകുന്നു. ഇവിടെ ആര്‍ക്കും ക്യൂ നില്‍ക്കേണ്ട. ബൂത്തില്‍ സജ്ജീകരിച്ചിരിക്കുന്ന വിശ്രമകേന്ദ്രത്തില്‍ ഇരിക്കാം. വോട്ട് ചെയ്യാനുള്ള ഊഴം എത്തുമ്പോള്‍ അധികൃതര്‍ അറിയിക്കും. അപ്പോള്‍ ചെന്ന് വോട്ട് രേഖപ്പെടുത്തി മടങ്ങാം. ബൂത്തില്‍ അഞ്ച് വോട്ടര്‍മാരില്‍ കൂടുതല്‍ എത്തിയാല്‍ വിശ്രമിക്കാം. വോട്ടര്‍മാര്‍ക്ക് ടോക്കണ്‍ നല്‍കും.ക്രമം അനുസരിച്ച് വോട്ട് ചെയ്യാം. ഇതിനിടെ മുതിര്‍ന്ന പൗരന്മാര്‍ എത്തിയാല്‍ അവര്‍ക്ക് ആദ്യം വോട്ട് ചെയ്യാന്‍ അവസരം നല്‍കും. വികലാംഗര്‍ക്ക് പോളിംഗ് സ്റ്റേഷനിലേക്ക് കടക്കാന്‍ പ്രത്യേകം സൗകര്യവും ഒരുക്കിയിട്ടുണ്ട്. കുഞ്ഞുങ്ങളുമായി എത്തുന്ന അമ്മമാര്‍ക്കും പ്രത്യേകം സൗകര്യമുണ്ട്.  പാലൂട്ടുന്ന അമ്മമാര്‍ക്ക് അതിനായി പ്രത്യേക മുറിയും മാതൃകാ ബൂത്തില്‍ ഉണ്ട്. കുഞ്ഞുങ്ങള്‍ക്ക് ബിസ്ക്കറ്റ്, കുടിവെള്ളം, മിഠായി എന്നിവയും നല്‍കും. എല്ലാജില്ലയിലും മാതൃകാ സ്റ്റേഷനുകള്‍ സജ്ജീകരിച്ചിട്ടുണ്ട്. കേരളത്തില്‍ ഏറ്റവും കൂടുതല്‍ വോട്ടര്‍മാരുള്ള മലപ്പുറത്ത് മുന്നൂറില്‍പരം മാതൃകാ പോളിങ്‌ ബൂത്തുകളുണ്ട്. തൃശ്ശൂരില്‍ അമ്പതും,കൊല്ലത്ത് അറുപതും വീതം മാതൃകാ പോളിംഗ് സ്റ്റേഷനുകളാണുള്ളത്.
    കിടപ്പുരോഗികളെ ബൂത്തിലെത്തിക്കാനും വോട്ട് ചെയ്ത ശേഷം തിരിച്ച് വീട്ടിലെത്തിക്കാനും വാഹന സൗകര്യം ഉണ്ട്.

    കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
    COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

    Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top