22
Jun 2021
Tuesday

വീണ്ടും ‘ലൗ ജിഹാദ്’; പോലീസും സമ്മതിക്കുന്നു???

 

ലൗ ജിഹാദ് എന്ന പദവും അത് കേരളത്തിലെമ്പാടും ഉണ്ടാക്കിയ കോളിളക്കങ്ങളും ചില്ലറയല്ല. മറ്റ് മതസ്ഥരായ പെൺകുട്ടികളെ പ്രണയത്തിലൂടെ വശത്താക്കി മുസ്ലീം മതത്തിലേക്ക് പരിവർത്തനം ചെയ്യുന്നു എന്നതായിരുന്നു വിവാദത്തിനാസ്പദമായ ആരോപണം. വർഗീയതയുടെ വിഷവിത്തുകൾ പാകാനുള്ള ശ്രമമെന്ന പ്രത്യാരോപണങ്ങളിൽ കാലക്രമേണ അത് ഒതുങ്ങിപ്പോവുകയും ചെയ്തു.

എന്നാൽ,അടുത്ത കാലത്ത് കേരളത്തിൽ നിന്ന് ദുരൂഹസാഹചര്യത്തിൽ കാണാതായവർ ഐഎസ് ക്യാംപുകളിലേക്ക് എത്തിപ്പെട്ടിട്ടുണ്ടാകാമെന്ന അഭ്യൂഹങ്ങൾ അതേ വിഷയത്തെ വേറൊരു വീക്ഷണകോണിലൂടെ നോക്കാൻ പോലീസിനെ പ്രേരിപ്പിച്ചിരിക്കുകയാണ്. പ്രണയവിവാഹിതരാവാൻ വേണ്ടി മതംമാറിയ നിഷ ഫാത്തിമ,മെറിൻ മറിയം തുടങ്ങിയവരുടെ ജീവിതമാണ് വീണ്ടുമൊരു അന്വേഷണത്തിലേക്ക് പോലീസിനെ എത്തിച്ചിരിക്കുന്നത്.

പ്രണയവിവാഹിതരായി ദുരൂഹസാഹചര്യത്തിൽ കാണാതായവരെപ്പറ്റി അന്വേഷണം നടത്താനാണ് പോലീസിന് ലഭിച്ചിരിക്കുന്ന നിർദേശം. ആരെങ്കിലും പ്രണയം നടിച്ച് പെൺകുട്ടികളെ വശീകരിച്ച് ഇത്തരം തീവ്രവാദപ്രവർത്തനങ്ങളിലേക്ക് ആകർഷിച്ചിട്ടുണ്ടോ എന്ന് കണ്ടെത്താനാണിത്.സംസ്ഥാനപോലീസിലെ രഹസ്യാന്വേഷണ വിഭാഗമാണ് ഇതു സംബന്ധിച്ച അന്വേഷണം നടത്തുന്നത്. എല്ലാ പോലീസ് സ്‌റ്റേഷനുകളിലേക്കും അറിയിപ്പ് നല്കിക്കഴിഞ്ഞു.

ഏത് മതവിഭാഗത്തിൽ പെട്ടവരായാലും പ്രണയം,വിവാഹം എന്നിവയ്ക്ക് ശേഷം അപ്രത്യക്ഷരായതായി കണ്ടെത്തിയാൽ തുടർ അന്വേഷണങ്ങൾ നടത്തും. അതീവരഹസ്യമായാവും ഇങ്ങനെയുള്ള വിവരങ്ങൾ ശേഖരിക്കുക. വിഷയം മറ്റൊരുതലത്തിലേക്കെത്തി പ്രശ്‌നങ്ങൾ ഉണ്ടാവാതിരിക്കാനാണ് അതീവ ജാഗ്രതയോടെയുള്ള പോലീസ് നീക്കം.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top