Advertisement

ആഭ്യന്തരവകുപ്പിന്റെ തലയിൽ കയറി ഇരിക്കാൻ ആരും ശ്രമിക്കേണ്ടെന്ന് മുഖ്യമന്ത്രി

August 6, 2016
0 minutes Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

ആഭ്യന്തരവകുപ്പിന്റെ തലയിൽ കയറി ആരും ഇരിക്കാൻ ശ്രമിക്കേണ്ടെന്ന് മുഖ്യമന്ത്രി പിണറായി വിജയൻ. തെറ്റായ വഴിക്കാണ് പൊലീസ് സേന പോകുന്നതെങ്കിൽ സംഘടനാ സ്വാതന്ത്ര്യം ഇല്ലാതാക്കുമെന്ന താരക്കീതും മുഖ്യമന്ത്രി പോലീസുകാർക്ക് നൽകി. ഒപ്പം അമിതമായ രാഷ്ട്രീയക്കളി പൊലീസ് സംഘടനകളിൽ അനുവദിക്കില്ലെന്നും അദ്ദേഹം കൂട്ടിച്ചേർത്തു. പൊലീസ് ഒരു ചേരി തിരിവിന്റെയും ഭാഗമാകാൻ പാടില്ലെന്നും അദ്ദേഹം പറഞ്ഞു.

എറണാകുളം ജില്ലാ പൊലീസ് സഹകരണ സംഘം ആഘോഷത്തിന്റെ സമാപനത്തിൽ സംസാരിക്കുകയായിരുന്നു പിണറായി വിജയൻ. കൊല്ലത്ത് വാഹന പരിശോധനക്കിടെ വയർലെസ് സെറ്റ് കൊണ്ട് ബൈക്ക് യാത്രികന്റെ തലയ്ക്ക് അടിച്ച സംഭവം വിവാദമായതിനെ തുടർന്നാണ് പൊലീസിനെതിരെയുള്ള മുഖ്യമന്ത്രിയുടെ വിമർശനം.

പൊലീസിന്റെ ഭാഗത്ത് നിന്നുണ്ടാകുന്ന വീഴ്ചകൾ സർക്കാരിനെ അപകീർത്തിപ്പെടുത്തും. അതിനാൽ സേന ജാഗ്രത പുലർത്തണം. മൂന്നാംമുറയെക്കാൾ ശാസ്ത്രീയ രീതിയിലുളള കുറ്റാന്വേഷണമാണ് വേണ്ടതെന്നും മുഖ്യമന്ത്രി നേരത്തെ വ്യക്തമാക്കിയിരുന്നു.

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement