Advertisement

ഹൈദരാബാദിലും മാൻഹോൾ ദുരന്തം. നാല് പേർ മരിച്ചു.

August 14, 2016
0 minutes Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

ഹൈദരബാദിൽ മാൻ ഹോളിൽ കുടുങ്ങി നാല് പേർ മരിച്ചു. അഴുക്കുചാൽ വൃത്തിയാക്കാനിറങ്ങിയവരാണ് വിഷവാതകം ശ്വസിച്ച് മരിച്ചത്.

ഐ.ടി കമ്പനികളുടെ ഹബ്ബായ മധാപൂരിലാണ് സംഭവം. മാൻഹോളിലിറങ്ങി 20 അടി താഴ്ചയിൽ ശുചീകരണം നടത്തവെ വാതകം ശ്വസിച്ച് രണ്ട് പേർ തലചുറ്റിവീഴുകയായിരുന്നു. ഇവരെ രക്ഷിക്കാൻ മാൻഹോളിലേക്ക് ഇറങ്ങിയ മറ്റ് രണ്ട് പേരും അപകടത്തിൽ പെട്ടു.

ഹൈദരബാദ് മെട്രോ വാട്ടർ സപ്ലൈ ആൻഡ് സീവേജ് ബോർഡിന് കീഴിലുള്ള കരാർ ജീവനക്കാരാണ് മരിച്ചത്. രക്ഷാപ്രവർത്തനത്തിനായി ആംബുലൻസിലെത്തിയ ജീവനക്കാരന് വാതകം ശ്വസിച്ച് അസ്വസ്ഥത അനുഭവപ്പെട്ടതോടെ അദ്ദേഹത്തെ ആശുപത്രിയിൽ പ്രവേശിപ്പിച്ചു.

മാൻഹോളിൽ ഇറങ്ങുമ്പോൾ സ്വീകരിക്കേണ്ട മുൻകരുതലുകളൊന്നും ഇവർ സ്വീകരിച്ചിരുന്നില്ലെന്നും റിപ്പോർട്ടുണ്ട്. എന്നാൽ മാൻഹോളിലിറങ്ങി ശീലമില്ലാത്തവരെ ജോലിക്ക് വിട്ട കരാറുകാരാണ് ഇതിന് ഉത്തരവാദികളെന്ന് മറ്റ് തൊഴിലാളികൾ ആരോപിച്ചു.

കോഴിക്കോട് പാളയത്ത് മാൻഹോൾ വൃത്തിയാക്കിനിറങ്ങിയ രണ്ട് ഹൈദരാബാദ് സ്വദേശികളും ഇവരെ രക്ഷിക്കാനായി ഇറങ്ങിയ ഓട്ടോ ഡ്രൈവർ നൗഷാദും മരണപ്പെട്ടിരുന്നു. കഴിഞ്ഞ നവംബറിലായിരുന്നു സംഭവം.

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement