ആശ്വാസമായി തലസ്ഥാനത്ത് വീണ്ടും 108

തിരുവനന്തപുരം ജില്ലയിൽ 108 ആംബുലൻസ്കൾക്കു വീണ്ടും ജീവൻ വയ്ക്കുന്നു. ആകെയുള്ള 25 ആംബുലൻസുകളിൽ 10 എണ്ണം നിരത്തിലിറങ്ങി. നെയ്യാറ്റിൻകര, നേമം, തൈക്കാട്, പേരൂർക്കട, കേശവപുരം, വാമനപുരം, നാവായിക്കുളം,വർക്കല, മംഗലപുരം, വിഴിഞ്ഞം എന്നിവിടങ്ങളിലാണ് ഇപ്പോൾ ആംബുലൻസുകൾ സജീവമായത്.

4 വാഹനങ്ങൾ ആഗസ്ററ് 25-ന് നിരത്തിലിറങ്ങും. ചിറയിൻകീഴ്, ടെക്നോപാർക്ക്, ജനറൽ ആശുപത്രി, പാറശ്ശാല എന്നിവടങ്ങളിലാണ്‌ ഇത്.

മലയിൻകീഴ്, കന്യാകുളങ്ങര, കല്ലറ, കാട്ടാക്കട വാഹനങ്ങൾ ആഗസ്റ്റ് 31 ന് നിരത്തിലിറങ്ങും. സെപ്റ്റംബർ 20 നകം എല്ലാ വാഹനങ്ങളും ഫിറ്റ്നസ് ടെസ്റ്റ് പൂർത്തിയാക്കി നിരത്തിലിറക്കും എന്ന് ബന്ധപ്പെട്ടവർ അറിയിച്ചു.

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top