ഇന്ത്യ പ്രകോപനം സൃഷ്ടിക്കുന്നു- പാക്ക് വിദേശ കാര്യ മന്ത്രാലയം

അടിസ്ഥാന രഹിതമായ ആരോപണങ്ങളുന്നയിച്ച്​ ഇന്ത്യ പ്രകോപനം സൃഷ്​ടിക്കുകയാണെന്ന്​ പാക്​ വിദേശകാര്യ മ​ന്ത്രാലയം. പാക്​ നഗരങ്ങളിൽ ഇന്ത്യ ഭീകരവാദികൾക്ക്​ സഹായം നൽകുകയാണെന്നും വിദേശകാര്യ മന്ത്രാലയം പറഞ്ഞു. കഴിഞ്ഞ ദിവസം പാക്കിസ്ഥാന്‍ ഭീകരവാദം  കയറ്റുമതി ചെയ്യുകയാണെന്നും​ പ്രധാനമന്ത്രി നരേന്ദ്ര മോദി കുറ്റപ്പെടുത്തിയിരുന്നു.

ഈ വിമർശങ്ങൾക്ക്​ മറുപടിയുമായി പാക്​ വാർത്താ വിനിമയ മന്ത്രി പർവേസ്​ റാഷിദും രംഗത്തെത്തിയിട്ടുണ്ട്.കശ്​മീരി​ലെ ജനങ്ങളോട്​ ക്രൂരത കാണിക്കുന്നത്​ ഇന്ത്യയാണെന്നാണ്​ പർവേസ്​ റാഷിദ്​ പറഞ്ഞത്​​. കശ്​മീർ വിഷയത്തിൽ പാകിസ്​താൻ ചർച്ചക്ക്​ തയ്യാറാണ്​. പക്ഷേ ഇന്ത്യ കൂടി മുൻകൈ എടുക്കണമെന്നും മേഖലയിൽ സമാധാനം പുനസ്​ഥാപിക്കാൻ ഇന്ത്യ ഉത്തരവാദിത്തം കാണിക്കണമെന്നും പർവേസ്​ റാഷിദ്​ പറഞ്ഞു.

പാകിസ്​താന്റെ ഇന്ത്യൻ സ്​ഥാനപതി അബ്​ദുൽ ബാസിതും ഇന്ത്യക്കെതിരെ പ്രതികരിച്ചു.കശ്​മീരിലുണ്ടായ സംഘർഷം ഇന്ത്യക്ക്​ ഒരിക്കലും മറച്ചു വെക്കാൻ കഴിയില്ലെന്നും ഇത്​ ലോക രാജ്യങ്ങള​ുടെ മുന്നി​ലുണ്ട്. ഉറി ആക്രമണത്തിൽ പാകിസ്​താന്​ ബന്ധമില്ലെന്നും ബാസിത് പറഞ്ഞു.