Advertisement

പാക് താരങ്ങളുടെ ചിത്രം പ്രദർശിപ്പിക്കാൻ അനുവദിക്കില്ലെന്ന നിലപാട് മയപ്പെടുത്തി എംഎൻഎസ്

October 22, 2016
Google News 1 minute Read
ae dil he mushkil

പാക് നടൻ ഫവാദ് ഖാൻ അഭിനയിച്ചതിന്റെ പേരിൽ വിവാദമായ കരൺ ജോഹർ ചിത്രം ‘ഏ ദിൽ ഹേ മുഷ്‌കിലി’ൻറെ പ്രദർശനം തടയുമെന്ന നിലപാട് നവനിർമാൺ സേന മയപ്പെടുത്തി. ചിത്രത്തിന്റെ നിർമാതാക്കൾ എം.എൻ.എസ് അധ്യക്ഷൻ രാജ് താക്കറെയുമായി നടത്തിയ കൂടിക്കാഴ്ചയിൽ ഭാവിയിൽ പാക് നടൻമാരെ അഭിനയിപ്പിക്കില്ലെന്ന് ഉറപ്പ് നൽകിയതോടെയാണ് നയം മയപ്പെടുത്തിയതെന്നാണ് റിപ്പോർട്ട്.

മഹാരാഷ്ട്ര മുഖ്യമന്ത്രി ദേവേന്ദ്ര ഫട്‌നാവിസാണ് രാജ് താക്കറെയും നിർമാതാക്കളുമായുള്ള യോഗം വിളിച്ചു ചേർത്തത്. നിർമാതാവ് മഹേഷ് ഭട്ട്, സംവിധായകൻ കരൺ ജോഹർ എന്നിവർ യോഗത്തിൽ പങ്കെടുത്തു. ഫട്‌നാവിസിന്റെ വീട്ടിലായിരുന്നു യോഗം. പാക് നടീനടന്മാർ അഭിനയിച്ച ചിത്രങ്ങളുടെ പ്രദർശനം തടയുമെന്ന നിലപാടിലായിരുന്നു ഇതുവരെ എം.എൻ.എസ്.

കരൺ ജോഹർ ചിത്രം ഏ ദിൽ ഹേ മുഷ്‌കിൽ, ഷാരുഖ് ഖാൻ ചിത്രം റയീസ്, എന്നിവയിലും ചിത്രീകരണം പുരോഗമിക്കുന്ന ഇർഫാൻ ഖാൻ ചിത്രം ഹിന്ദി മീഡിയത്തിലും പാക് താരങ്ങൾ പ്രധാന വേഷങ്ങളിലെത്തുന്നുണ്ട്.

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here