ബ്രസീൽ ഫുട്‌ബോൾ താരങ്ങളുമായി വിമാനം കൊളമ്പിയയിൽ തകര്‍ന്ന് വീണു

ബ്രസീലിലെ ക്ലബ് ഫുട്‌ബോൾ താരങ്ങൾ കയറിയ വിമാനം കൊളമ്പിയയിൽ തകർന്നു വീണു.72 യാത്രക്കാരും 9 ജീവനക്കാരുമാണ്​ വിമാനത്തിലുണ്ടായിരുന്നത്​. കൊളമ്പിയയിലെ മെഡെലിൻ അന്താരാഷ്ട്ര വിമാനത്താവളത്തിലേക്കുള്ള യാത്രയിലാണ് അപകടം.

ബ്രസീലിലെ സോക്കർ ടീമായ ​ഷാപ്പെകൊയിൻസ് അംഗങ്ങളാണ് വിമാനത്തിലുണ്ടായിരുന്നത്.

ബൊളീവിയയിൽ നിന്ന്​ പുറപ്പെട്ട ചാർ​ട്ടേർഡ്​ വിമാനമാണ് ഇത്.​ ​മെഡലിനിലെ ജോസ്​ മാരിയ വിമാനത്താവളത്തിലാണ് ഇത് തകർന്ന്​ വീണത്​.അറ്റ്​​ലേറ്റികോയുമായുള്ള സുഡാ അമേരിക്ക ഫൈനൽ കളിക്കുന്നതിന്​ വേണ്ടിയാണ്​ ക്ലബ്​ കൊളംബിയയിൽ എത്തിയത്

അപകടത്തിൽ ആരും രക്ഷ​പ്പെട്ടിരിക്കാൻ സാധ്യതയില്ലെന്നാണ്​ മെഡിലിൻസ്​ മേയർ ഫെഡ്​റികോ ഗുറ്റിയേർസ്​ അറിയിച്ചു. രക്ഷാപ്രവർത്തനം പുരോഗമിക്കുകയാണ്