അപകീർത്തിപ്പെടുത്തിയെന്ന കാവ്യയുടെ പരാതിയിൽ കേസെടുത്തു

സോഷ്യൽ മീഡിയ വഴി അപകീർത്തിപ്പെടുത്തിയെന്നാരോപിച്ച് നടി കാവ്യ മാധവൻ നൽകിയ പരാതിയിൽ പോലീസ് കേസെടുത്തു. കളമശ്ശേരി സി ഐ എസ്. ജയകൃഷ്ണനെ അന്വേഷണ ചുമതല ഏൽപ്പിച്ചതായി റേഞ്ച് ഐജി എസ് ശ്രീജിത്ത് അറിയിച്ചു.

കാവ്യയുടെതന്നെ ഓൺലൈൻ വ്യാപാര സംഘടനയായ ലക്ഷ്യയുടെ ഫേസ്ബുക്ക് പേജിലൂടെ അപകീർത്തിപ്പെടുത്തുന്ന തരത്തിലുള്ള കമന്റുകളും പോസ്റ്റുകളും പ്രചരിപ്പിച്ചു എന്നതാണ് കേസ്.