Advertisement

ചീമേനി ജയിലിലെ ഗോ പൂജ നിയമലംഘനമെന്ന് മുഖ്യമന്ത്രി

February 26, 2017
0 minutes Read
pinarayi-vijayan
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

കാസർഗോഡ് ചീമേനി തുറന്ന ജയിലിൽ ഗോപൂജ നടത്തിയ സംഭവം നിയമലംഘന മെന്ന് മുഖ്യമന്ത്രി പിണറായി വിജയൻ. ഈശ്വരനെ വിശ്വസിക്കുന്നുണ്ടോ ഇല്ലയോ എന്നത് സർക്കാരിന് പ്രശ്‌നമല്ല. നിയമത്തിൽനിന്ന് വ്യതിചലിക്കാൻ പാടില്ലെന്നും മുഖ്യമന്ത്രി പറഞ്ഞു.

ഫെബ്രുവരി അഞ്ചിനാണ് ജയിലിൽ ഗോപൂജ നടത്തിയത്. കർണാടകയിലെ മഠം അധികൃതർ ജയിലിലേക്ക് പശുക്കളെ കൈമാറുന്ന ചടങ്ങിന്റെ ഭാഗമായാണ് ഗോ പൂജ നടത്തിയത്.

കർണാടകയിൽ നിന്നെത്തിയ സംഘ്പരിവാർ അനുഭാവിയായ സ്വാമിയാണ് പൂജ നടത്തിയത്. ജയിൽ സൂപ്രണ്ടും ജോയിന്റ് സൂപ്രണ്ടും ചേർന്നാണ് സ്വാമിയെയും സംഘത്തെയും സ്വീകരിച്ചത്.

നിയമത്തിന് അതീതമായി ആർക്കും ഒരു സൗകര്യവുമൊരുക്കരുതെന്നും അഴിമതിക്കാരുടെ പ്രലോഭനത്തിൽ ആരും വീഴരുതെന്നും പിണറായി വിജയൻ ഉദ്യോഗസ്ഥർക്ക് മുന്നറിയിപ്പ് നൽകി.

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement