സമര്പ്പണം: പീഡനവീരന്മാര്ക്ക്, വ്യത്യസ്തതയുമായി ലാസ്റ്റ് സിഗ്നേച്ചര്
ബലാത്സംഗം മുമ്പെങ്ങുമില്ലാത്ത വിധത്തില് പെരുകികൊണ്ടിരിക്കുന്ന ഈ കാലത്ത് ഇരയ്ക്കായി ധാരാളം ക്യാമ്പെയിനുകളും, ഹ്രസ്വസിനിമകളും ഇറങ്ങുന്നുണ്ട്. ഈ രംഗത്തേക്കാണ് അല്പം വ്യത്യസ്തതയുമായി ലാസ്റ്റ് സിഗ്നേച്ചര് എന്ന ഷോര്ട്ട് ഫിലിം എത്തിയിരിക്കുന്നത്. കാരണം , ഇന്ത്യയില് ഇത് വരെ ജനിച്ചതും ഇനി ജനിക്കാന് ഇരിക്കുന്നതുമായ പീഡന വീരന്മാര്ക്കാണ് ഈ ചിത്രം സമര്പ്പിച്ചിരിക്കുന്നത് എന്ന മുഖവുരയോടെയാണ് ചിത്രം എത്തിയിരിക്കുന്നത്. ആത്മഹത്യ ചെയ്ത പെണ്കുട്ടിയുടെ കത്തില് നിഴലിക്കുന്ന പ്രതിഷേധമാണ് സിനിമയുടെ കാതല്.
ബലാത്സംഗത്തേയും ഇരയേയും ആഘോഷമാക്കുന്ന ഇന്നത്തെ സംസ്കാരത്തിനെതിരെ പിടിച്ച കണ്ണാടിയാകുന്നു ഈ ചിത്രം. ശ്രീറോഷാണ് കാലിക പ്രാധാന്യമുള്ള ഈ ചിത്രം ഒരുക്കിയിരിക്കുന്നത്. എഡിറ്റിഗും ശ്രീറോഷ് തന്നെ. ശീതല് ബാലകൃഷ്ണന് ശ്രീപതി ദാമോദരന് എന്നിവര് ചേര്ന്നാണ് ചിത്രത്തിന്റെ കഥ ഒരുക്കിയത്. പിഎ സുരേഷാണ് ചിത്രത്തിന്റെ ക്യാമറ. ചിത്രത്തിന്റെ സംവിധായകന്റെ അച്ഛനാണ് സുരേഷ്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here