പനിച്ച് വിറച്ച് കേരളം; മരണം 41 ആയി

പനിച്ച് വിറച്ച് കേരളം. മരണ സഖ്യ ഉയരുന്നു. ഡെങ്കിപ്പനി ബാധിച്ച് ഒരാൾകൂടി മരിച്ചു. തിരുവനന്തപുരം കാട്ടാക്കാട് പന്നിയോട് സ്വദേശി രമേശ് റാം (38) ആണ് മരിച്ചത്. ഇതോടെ സംസ്ഥാനത്ത് പനി ബാധിച്ച് ഈ മാസം മരിച്ചവരുടെ എണ്ണം 41 ആയി. എച്ച്1 എൻ1, ഡെങ്കിപ്പനി, വൈറൽ പനി, മഞ്ഞപ്പിത്തം തുടങ്ങിയ അസുഖങ്ങളുടെ പിടിയിലാണ് മഴക്കാലമായതോടെ സംസ്ഥാനം.

ഒന്നേ മുക്കാൽ ലക്ഷം പേരാണ് സംസ്ഥാനത്ത് പനി ബാധിച്ച് ഈ മാസം ചികിത്സ തേടിയത്. പനി ബാധിച്ചെത്തുന്നവരിൽ തിരുവനന്തപുരമാണ് മുന്നിൽ. കഴിഞ്ഞ മൂന്നു ദിവസത്തിനിടെ സർക്കാർ ആശുപത്രികളിൽ മാത്രം ചികിത്സ തേടിയെത്തിയത് അമ്പതിനായിരത്തിലധികം പേരാണ്.
പാലക്കാട്, മലപ്പുറം എന്നിവിടങ്ങളിൽ ആരോഗ്യവകുപ്പിന്റെ കണക്ക് പ്രകാരം ഇന്നലെ ഡെങ്കിപ്പനി റിപ്പോർട്ട് ചെയ്തിട്ടില്ല.