മഹാരാഷ്ട്രയിലെ കർഷക പ്രക്ഷോഭം അക്രമാസക്തം

മഹാരാഷ്ട്രയിലെ കർഷക പ്രക്ഷോഭം അക്രമാസക്തമായി. പോലീസുകാരുമായുണ്ടായ എറ്റുമുട്ടലിൽ 3 പോലീസ് വാഹനങ്ങൾ കർഷകർ കത്തിച്ചു. ചിലർക്ക് പരിക്കേറ്റു. താനെ-ബദ്‌ലാപൂർ ദേശീയപാതയിൽ ഗതാഗതം തടസ്സപ്പെടുത്തിയ സമരക്കാർ റോഡിൽ ടയറുകൾ കത്തിച്ചു.

തങ്ങൾ തലമുറകളായി കൃഷി ചെയ്ത ഭൂമിയാണ് വിമാനത്താവള നിർമ്മാണത്തിനായി ഏറ്റെടുക്കുന്നതെന്നാണ് കർഷകരുടെ വാദം. എന്നാൽ ഇത് പ്രതിരോധവകുപ്പിന്റെ ഭൂമിയാണെന്ന് സർക്കാർ. അതിനാൽ കുടിയൊഴിപ്പിക്കപ്പെടുന്നവർക്ക് നഷ്ടപരിഹാരം നൽകാനാവില്ലെന്നും സർക്കാര് പറഞ്ഞു.