Advertisement

ഇന്ദ്രാണി മുഖർജിയടക്കം 200 തടവുകാർക്കെതിരെ കേസ്

June 26, 2017
0 minutes Read
indrani-mukrejea
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

ഷീന ബോറ കേസ് പ്രതി ഇന്ദ്രാണി മുഖർജിയടക്കം 200 തടവുകാർക്കെതിരെ കേസ്. മുംബൈ ബൈക്കുള ജയിലിൽ സഹതടവുകാരിയുടെ മരണത്തെ തുടർന്നുണ്ടായ സംഘർഷത്തിൽ പങ്കെടുത്തതിനാണ് കേസ്.

ജയിൽ സംഘർഷമുണ്ടാക്കുകയും ഉദ്യോഗസ്ഥരെ മർദിക്കുകയും ജയിലിൽ നാശനഷ്ടങ്ങൾ ഉണ്ടാക്കുകയും ചെയ്തതിനാണ് കേസ്. 45കാരിയായ മഞ്ജുര ഷെട്ടിയെ ജയിൽ അധികൃതർ മർദിച്ച് കൊലപ്പെടുത്തിയെന്നാരോപിച്ചാണ് ജയിലിൽ മറ്റ് തടവുകാർ പ്രതിഷേധം ആരംഭിച്ചത്.

വെള്ളിയാഴ്ച രാത്രിയാണ് ജയിലിലെ സഹതടവുകാരിയായ മഞ്ജുര ജെ ജെ ആശുപത്രിയിൽ മരിച്ചത്. സംഭവത്തെ തുടർന്ന് ശനിയാഴ്ച രാവിലെ 200 ഓളം തടവുകാർ സംഘടിച്ച് ജയിലിന്റെ ടെറസിൽ കയറി പ്രതിഷേധിക്കുകയും നാശനഷ്ടങ്ങൾ വരുത്തുകയുമായിരുന്നു. ജയിലിൽ 251 വനിതാ തടവുകാരാണ് ഉള്ളത്. മഞ്ജുരയുടെ മരണത്തെ തുടർന്ന് ആറ് പൊലീസുകാർക്കെതിരെ കേസെടുക്കുകയും ഇവരെ സസ്‌പെൻഡ് ചെയ്യുകയും ചെയ്തിരുന്നു.

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement