മീരാകുമാറനെതിരെ സുഷമ സ്വരാജ്; വിമർശനവുമായി കോൺഗ്രസ്

കോൺഗ്രസ് അടക്കമുള്ള 17 പ്രതിപക്ഷ പാർട്ടികളുടെ രാഷ്ട്രപതി സ്ഥാനാർത്ഥിയായ മുൻ സ്പീക്കർ മീരാകുമാറിനെതിരെ വിദേശകാര്യമന്ത്രി സുഷമ സ്വരാജിന്റെ നീക്കങ്ങളെ വിമർശിച്ച് കോൺഗ്രസ് രംഗത്ത്. ഉത്തരവാദിത്തപ്പെട്ട സ്ഥാനത്തിരിക്കുന്ന മന്ത്രി ഇത്തരത്തിൽ പ്രവർത്തിക്കരുതെന്നും കോൺഗ്രസ് പറഞ്ഞു.

കഴിഞ്ഞ യുപിഎ സർക്കാരിന്റെ കാലത്ത് സുഷമ സ്വരാജ് സഭയിൽ സംസാരിച്ചുകൊണ്ടിരിക്കെ അന്നത്തെ സ്പീക്കറായിരുന്ന മീരാകുമാർ ഇടപെടുന്ന വീഡിയോ മന്ത്രി കഴിഞ്ഞ ദിവസം ട്വീറ്റ് ചെയ്തിരുന്നു. ഇതാണ് കോൺഗ്രസിനെ ചൊടിപ്പിച്ചത്.

അനുവദനീയ സമയത്തിനുള്ളിൽ പ്രസംഗം അവസാനിപ്പിക്കാൻ സ്പീക്കറെന്ന നിലയിൽ മീരാ കുമാർ ആവശ്യപ്പെടുകയായിരുന്നുവെന്ന് കോൺഗ്രസ് നേതാവ് ടോം വടക്കൻ പറഞ്ഞു. ഒരു മന്ത്രി എന്ന നിലയിൽ സുഷമ സ്വരാജ് ഇത്തരം പരാമർശങ്ങൾ നടത്തരുതെന്നും ടോം വടക്കൻ പറഞ്ഞു.