അപ്പുണ്ണിയ്ക്ക് മുൻകൂർ ജാമ്യമില്ല

ദിലീപിന്റെ മാനേജർ അപ്പുണ്ണിയ്ക്ക് മുൻകൂർ ജാമ്യമില്ല. ജാമ്യം ആവശ്യപ്പെട്ട് അപ്പുണ്ണി നൽകിയ ഹർജി ഹൈക്കോടതി തള്ളി. ചോദ്യം ചെയ്യലിനായി അപ്പുണ്ണി ഹാജരാകണമെന്നും ഹൈക്കോടതി. ഇയാളെ പ്രതിയാക്കുന്ന കാര്യം പിന്നീട് തീരുമാനിക്കുമെന്ന് പ്രോസിക്യൂഷൻ പറഞ്ഞു.

ഗുഡാലോചനയിൽ പങ്കുണ്ടെന്ന പ്രോസിക്യൂഷൻ വാദം കോടതി അംഗീകരിക്കുകയായിരുന്നു. അപ്പുണ്ണിക്കെതിരെ നിലവിൽ കേസില്ലെങ്കിലും ചില തെളിവുകൾ ഉണ്ടെന്ന് പ്രോസിക്യൂഷൻ ചൂണ്ടിക്കാട്ടി. അപ്പുണ്ണി ഹാജരായാൽ നിയമാനുസൃതം ചോദ്യം ചെയ്യണമെന്നും മൂന്നാം മുറ പാടിലെന്നും കോടതി നിർദ്ദേശിച്ചു