ശശികലയെ പിന്തുണയ്ക്കുന്ന എംഎൽഎമാരെ അയോഗ്യരാക്കണമെന്ന് എഐഎഡിഎംകെ

തമിഴ്‌നാട് മുഖ്യമന്ത്രി എടപ്പാടി പളനിസ്വാമിയെ എതിർക്കുന്ന ശശികല പക്ഷത്തെ എംഎൽഎമാരെ അയോഗ്യരാക്കണമെന്ന് എഐഎഡിഎംകെ. 19 എഎൽഎമാരെ ഒഴിവാക്കണമെന്ന് സ്പീക്കർ പി ധനപാലിനോട് എഐഎഡിഎംകെ ചീഫ് വിപ് എസ് രാജേന്ദ്രൻ ആവശ്യപ്പെട്ടു.

ഈ എംഎൽഎമാർ പളനിസ്വാമിയ്ക്കുള്ള പിന്തുണ പിൻവലിക്കുന്നുവെന്ന് കാണിച്ച് ഗവർണർക്ക് പാർട്ടി കത്ത് നൽകിയിരിന്നു. ഭരണകക്ഷിയിലെ തന്നെ എംഎൽഎമാർ പിന്തുണ പിൻവലിക്കുന്നത് കൂറുമാറ്റ നിരോധന നിയമത്തിന്റെ പരിധിയിൽ വരുമെന്നും ചീഫ് വിപ്പ് വ്യക്തമാക്കിയിരുന്നു