നോട്ട് നിരോധനം; 1000ന്റെ നോട്ടുകളിൽ തിരിച്ചെത്തിയത് 99%

നോട്ട് നിരോധനത്തിന് ശേഷം പിൻവലിച്ചതിൽ എത്ര ശതമാനം നോട്ടുകൾ തിരിച്ചെത്തിയെന്ന് വ്യക്തമാക്കാൻ റിസർവ്വ് ബാങ്ക് ഇതുവരെയും തയ്യാറായിട്ടില്ല. അതിനിടയിൽ പിൻവലിച്ച 1000 രൂപ നോട്ടുകളിൽ 99 ശതമാനവും തിരികെ ബാങ്കുകളിലെത്തിയെന്ന് ടൈംസ് ഓഫ് ഇന്ത്യയുടെ റിപ്പോർട്ട്.

1000 ന്റെ നോട്ടുകളിൽ 8925 കോടി രൂപയാണ് റിസർവ്വ് ബാങ്കിന് പുറത്തുള്ളതെന്നാണ് 2017 മാർച്ച് അവസാനത്തോടെ ആർബിഐ പുറത്തുവിട്ട കണക്കുകൾ വ്യക്തമാക്കുന്നത്. നവംബർ 18ന് നോട്ട് നിരോധിക്കുമ്പോൾ 6.86 ലക്ഷം കോടിയുടെ 1000ന്റെ നോട്ടുകളാണ് വിപണിയിൽ ഉണ്ടായിരുന്നത്. ആർബിഐ തന്നെ വ്യക്തമാക്കിയ കണക്കുകളാണിത്.