നിർമ്മലാ സീതാരാമൻ പ്രതിരോധമന്ത്രി

കേന്ദ്ര മന്ത്രിസഭാ പുനഃസംഘടനയ്ക്കു പിന്നാലെ മന്ത്രിമാരുടെ വകുപ്പകളിലും അപ്രതീക്ഷിത നീക്കങ്ങളുമായി ബിജെപി. നിർമല സീതാരാമന് പ്രതിരോധ വകുപ്പിൻറെ ചുമതല നൽകാൻ തീരുമാനമായി. നേരത്തെ, കേന്ദ്ര വാണിജ്യ സഹമന്ത്രിയായിരുന്നു നിർമ്മല. ഇന്ദിരാ ഗാന്ധിയ്ക്കു ശേഷം ഈ വകുപ്പ് കൈകാര്യം ചെയ്യുന്ന വനിത കൂടിയാണ് നിർമലാ സീതാരാമൻ.

നിലവിൽ അരുൺ ജയ്റ്റ്‌ലിയാണ് പ്രതിരോധമന്ത്രി. ധനകാര്യമന്ത്രിയായ അദ്ദേഹം മനോഹർ പരീക്കർ ഗോവ മുഖ്യമന്ത്രിയായി സ്ഥാനമേറ്റതോടെയാണ് പ്രതിരോധമന്ത്രിസ്ഥാനം ഏറ്റെടുത്തത്.