ഉത്തരകൊറിയ ആറാമതും ആണാവായുധം പരീക്ഷിച്ചുവെന്ന് അമേരിക്ക

വീണ്ടും ആണവായുധ പരീക്ഷണവുമായി ഉത്തരകൊറിയ. ഉത്തര കൊറിയ അണ്വായുധം പരീക്ഷിച്ചുവെന്ന സംശയവുനമായി അമേരിക്കയാണ് രംഗത്തെത്തിയിരിക്കുന്നത്. ആണവായുധം പരീക്ഷിച്ചതിന് സമാനമായ പ്രകമ്പനം ഉണ്ടായെന്നും അമേരിക്ക റിപ്പോർട്ട് ചെയ്യുന്നു. ഇതുവരെ 5 തവണ ഉത്തര കൊറിയ ആണവ പരീക്ഷണം നടത്തിയിട്ടുണ്ട്.

റിക്ടർ സ്‌കെയിലിൽ 5.6 തീവ്രത രേഖപ്പെടുത്തിയ പ്രകമ്പനം ഉണ്ടായതായാണ് അമേരിക്ക വ്യക്തമാക്കുന്നത്.

ഉത്തരകൊറിയ പുതുതായി വികസിപ്പിച്ച ഹൈട്രജൻ ബോംബ് നിരീക്ഷിക്കാനെത്തിയ കിം ജോങ് ഉന്നിന്റെ ചിത്രങ്ങൾ പുറത്തുവിട്ടതിന് പിന്നാലെയാണ് പ്രകമ്പനം ഉണ്ടായതായ വാർത്ത വന്നത്. 2016 സെപ്റ്റംബറിലാണ് ഉത്തരകൊറിയ അവസാനമായി അണ്വായുധ പരീക്ഷണം നടത്തിയത്.