ചുവപ്പണിഞ്ഞ് ജെഎൻയു; ഇടത് സഖ്യത്തിന് വൻവിജയം

ജെഎൻയു വിദ്യാർത്ഥി യൂണിയൻ തെരഞ്ഞെടുപ്പിൽ വിശാല ഇടത് സഖ്യത്തിന് വിജയം. ജനറൽ സീറ്റുകളിൽ ഇടത് സഖ്യം മികച്ച വിജയം നേടി. പ്രസിഡന്റ്, വൈസ് പ്രസിഡന്റ്, ജനറൽ സെക്രട്ടറി, ജോയിന്റ് സെക്രട്ടറി എന്നീ നാല് സീറ്റുകളിലും വൻ ഭൂരിപക്ഷത്തോടെയാണ് ഇടത് സഖ്യം വിജയിച്ചത്.

എസ്എഫ്‌ഐ, ഐസ, ഡിഎസ്എഫ് എന്നീ സംഘടനകൾ ചേർന്നതാണ് വിശാല ഇടത് സഖ്യം. ഐസയുടെ ഗീതാകുമാരിയാണ് ജെഎൻയു യൂണിയൻ പ്രസിഡന്റ്. വൈസ് പ്രസിഡന്റ് സിമൻ സോയ ഖാൻ, ജനറൽ സെക്രട്ടറി ദുഗ്ഗിരാല ശ്രീകൃഷ്ണ, ജോയിന്റ് സെക്രട്ടറി സുഭാൻഷു സിംഗ്.