ജപ്പാന് മുകളിലൂടെ വീണ്ടും ഉത്തര കൊറിയയുടെ മിസൈൽ

ജപ്പാന് മുകളിലൂടെ ഉത്തരകൊറിയ വീണ്ടും മിസൈൽ പറത്തി. ഉത്തര പ്യോങ്യാങിലെ സുനാൻ വ്യോമത്താവളത്തിൽ നിന്ന് കുതിച്ചുയർന്ന മിസൈൽ ജപ്പാനിലെ വടക്കൻ ദ്വീപായ ഹൊക്കൈഡോക്ക് മുകളിലൂടെ പറന്ന് പസഫിക് സമുദ്രത്തിൽ പതിച്ചു. 1200 മൈലുകൾ സഞ്ചരിക്കാൻ മിസൈൽ 17 മിനുട്ടെടുത്തു.
വെളളിയാഴ്ച ഉത്തരകൊറിയൻ സമയം 6.30നായിരുന്നു മിസൈൽ പറത്തിയത്.

ഉത്തരകൊറിയ ഇത്തരം നടപടികൾ ആവർത്തിച്ചാൽ നോക്കിയിരിക്കിക്കില്ലെന്ന് ജപ്പാൻ ക്യാബിനറ്റ് ചീഫ് സെക്രട്ടറി യോഷിഹിഡെ സുഗ പ്രതികരിച്ചു. എന്തു പ്രതിസന്ധിയും നേരിടാൻ സജ്ജമാവണമെന്ന് പ്രധാനമന്ത്രി ഷിൻസോ ആബെ സർക്കാരിന് നിർദ്ദേശം നൽകി.

north korea missile over japan