യുപിയിൽ ഓരോ 12 മണിക്കൂറിലും ഓരോ ഏറ്റുമുട്ടൽ; കണക്കുകൾ പുറത്തുവിട്ട് പോലീസ്

ഉത്തർപ്രദേശിൽ കഴിഞ്ഞ ആറ് മാസത്തിനിടയ്ക്ക് പോലീസും കുറ്റവാളികളും തമ്മിൽ ഏറ്റുമുട്ടിയത് 431 തവണ. യോഗി ആദിത്യനാഥ് മുഖ്യമന്ത്രിയായി ചുമതലയേറ്റതിന് ശേഷമുള്ള ആറ് മാസക്കാലയളവിലെ കണക്കുകളാണ് ഇത്.

ഓരോ പന്ത്രണ്ട് മണിക്കൂറിലും ഓരോ ഏറ്റുമുട്ടൽ നടക്കുന്നുവെന്നാണ് കണക്കുകൾ പറയുന്നത്. ഏറ്റുമുട്ടലിന് നേതൃത്വം നൽകുന്ന സംഘത്തിന് ഒരു ലക്ഷം രൂപവരെയാണ് സർക്കാർ പ്രതിഫലം പ്രഖ്യാപിച്ചിരിക്കുന്നത്.

ഈ ഏറ്റുമുട്ടലുകളിൽ 17 കുറ്റവാളികൾ കൊല്ലപ്പെട്ടുവെന്നും കണക്കുകൾ പറയുന്നു. 22പോലീസുകാർ ഏറ്റുമുട്ടലിൽ കൊല്ലപ്പെട്ടു. 88 പേർക്ക് പരിക്കേറ്റു. ഇതുവരെ 1106 കുറ്റവാളികളെ പിടികൂടി. ഉത്തർപ്രദേശ് പുറത്തുവിട്ട ഔദ്യോഗിക രേഖകളിലാണ് ഈ വിവരങ്ങൾ നൽകിയിരിക്കുന്നത്.