പസഫിക് സമുദ്രത്തിൽ ഹൈഡ്രജൻ ബോംബ് പരീക്ഷിക്കുമെന്ന് ഉത്തര കൊറിയ

ഡൊണാൾഡ് ട്രംപിന് മറുപടി നൽകിയതിന് തൊട്ടുപിന്നാലെ വീണ്ടും ഭീഷണിയുമായി ഉത്തരകൊറിയ. ഇനിയും ആണവ പരീക്ഷണം നടത്തുമെന്നാണ് ഉത്തരകൊറിയയുടെ ഭീഷണി.

പസഫിക് സമുദ്രത്തിൽ അതീവ ശക്തിയേറിയ ഹൈഡ്രജൻ ബോംബുകൾ പരീക്ഷിക്കുമെന്നാണ് ഉത്തരകൊറിയൻ വിദേശകാര്യമന്ത്രി റി യോങ് ഹോ വെളിപ്പെടുത്തിയിരിക്കുന്നത്.

ഉത്തരകൊറിയയെ പൂർണ്ണമായും നശിപ്പിക്കുമെന്ന് അമേരിക്കൻ പ്രസിഡന്റ് ഡൊണാൾഡ് ട്രംപ് ഭീഷണി മുഴക്കിയിരുന്നു. ഈ മാസമാദ്യം ഹൈഡ്രജൻ ബോംബ് പരീക്ഷിച്ച് ഉത്തരകൊറിയ ലോകത്തെ ഞെട്ടിച്ചിരുന്നു.