പി.വി. അന്‍വർ വാട്ടര്‍ തീം പാര്‍ക്ക് നടത്തിയത് രജിസ്റ്റർ ചെയ്യാതെയെന്ന് വിവരാവകാശ രേഖ

നിലമ്പൂര്‍ എംഎല്‍എ പി.വി. അന്‍വറിന്‍റെ വാട്ടര്‍ തീം  പാര്‍ക്കിന്റെ രജിസ്‌ട്രേഷന്‍ നടന്നിട്ടില്ലെന്ന് വിവരാവകാശ രേഖ. പാര്‍ക്കിലെ തൊഴിലാളികളുടെ വിവരങ്ങള്‍ സ്ഥാപനം ഹാജരാക്കിയിട്ടില്ല. രജിസ്‌ട്രേഷനോ അനുബന്ധ രേഖകളോ ഇല്ലാതെ പി.വി.ആര്‍ നാച്ചുറോ പാര്‍ക്കിന് പ്രവര്‍ത്തിക്കാന്‍ ആവില്ലെന്ന് ലേബര്‍ കമ്മീഷണര്‍ വ്യക്തമാക്കി. പാർക്കിനെതിരെ നിയമപരമായ നടപടികൾ എടുക്കമെന്നും ലേബർ കമ്മീഷണർ വ്യക്തമാക്കിയിട്ടുണ്ട്. 
പാര്‍ക്കിലെ തൊഴിലാളികളുടെ രേഖകളോ പേരോ,  റോളോ ജില്ലാ ലേബര്‍ ഓഫീസില്‍ രജിസ്റ്റര്‍ ചെയ്തിട്ടില്ല. എന്നാൽ നൂറോളം ജീവനക്കാര്‍ പാര്‍ക്കില്‍ ജോലി ചെയ്യുന്നുണ്ടെന്നാണ് പി.വി. അന്‍വര്‍ എംഎല്‍എ നേരത്തേ  നിയമസഭയില്‍ വ്യക്തമാക്കിയത്