ജമ്മുകശ്മീരില്‍ 14അടി താഴ്ചയില്‍ ഭൂഗര്‍ഭ പാത കണ്ടെത്തി

ജമ്മുകശ്മീര്‍ അതിര്‍ത്തിയില്‍ ബിഎസ്എഫ് 14 അടി നീളത്തിലുള്ള ഭൂഗര്‍ഭപാത കണ്ടെത്തി. അര്‍ണിയ സെക്ടറിലെ വനത്തില്‍ ദമല നല ഭാഗത്താണ് ഭൂഗര്‍ഭപാത കണ്ടെത്തിയത്.

ബിഎസ്എഫ് പരിശോധന നടത്തുമ്പോള്‍ ടണലില്‍ ഏതാനും ഭീകരര്‍ നിര്‍മാണത്തില്‍ ഏര്‍പ്പെട്ടിരുന്നു. ഇവര്‍ക്കു നേരെ സൈന്യം നിറയൊഴിച്ചെങ്കിലും രക്ഷപ്പെട്ടതായാണ് വിവരം. നുഴഞ്ഞുകയറ്റക്കാര്‍ക്ക് കശ്മീരിലേക്ക് കടക്കാന്‍ നിര്‍മിച്ചതാണിതെന്നാണ് സൂചന.