നടിയെ അക്രമിച്ച കേസ്; കുറ്റപത്രം വെള്ളിയാഴ്ച സമർപ്പിക്കും

നടി ആക്രമിക്കപ്പെട്ട കേസിൽ ജയിലിൽ കഴിയുന്ന ദിലീപിനെതിരെയുളള കുറ്റപത്രം അന്വേഷണ സംഘം വെള്ളിയാഴ്ച സമർപ്പിക്കും. ദിലീപിൻറെ തടവറക്കാലാവധി ഈ മാസം 8ന് 90 ദിവസം പൂർത്തിയാകാനിരിക്കെ സ്വാഭാവിക ജാമ്യം കിട്ടുന്നത് തടയാനാണ് വെള്ളിയാഴ്ച തന്നെ കുറ്റപത്രം സമർപ്പിക്കുന്നതെന്ന് പൊലീസ് വൃത്തങ്ങൾ വ്യക്തമാക്കി.

ചിത്രങ്ങളും വീഡിയോയും അടങ്ങുന്ന രണ്ട് മെമ്മറി കാർഡുകൾ പൊലീസിൻറെ പക്കലുണ്ട്.ഇതു കൂടാതെ ചില നിർണായക മൊഴികളും കുറ്റപത്രത്തോടൊപ്പമുണ്ടാകുമെന്ന് പൊലീസ് വൃത്തങ്ങൾ സൂചിപ്പിക്കുന്നു.

chargesheet on kochi actress attack case submitting on friday