സ്വവർഗാനുരാഗിയെന്ന് ആരോപിച്ച് 12 കാരന് ക്രൂര മർദ്ദനം

സ്വവർഗാനുരാഗിയെന്ന് ആരോപിച്ച് ഡൽഹിയിൽ 12 വയസുകാരന് മർദ്ദനം. ഡൽഹിയിലെ ഷകർപൂർ മേഖലയിൽ വെച്ചാണ് കുട്ടിയെ ഒരുകൂട്ടമാളുകൾ തല്ലിച്ചതച്ചത്

കുട്ടിയുടെ പിതാവിന്റെ കടയിലെത്തി ഇവരെയും കടയിലുണ്ടായിരുന്ന ബന്ധുവിനെയും മർദ്ദിക്കുകയായിരുന്നു. കല്ലുകളും ബെൽറ്റും ഉപയോഗിച്ചായിരുന്നു ആക്രമണം.

നേരത്തെ പിതാവിനൊപ്പം ഗണേഷ് നഗറിലേക്ക് പോവുകയായിരുന്ന കുട്ടിയെ ബൈക്കിലെത്തിയ രണ്ടംഗ സംഘം സ്വവർഗാനുരാഗിയെന്ന് വിളിക്കുകയും കുട്ടിയുടെ പിതാവ് ഇതിനെതിരെ പ്രതിഷേധിക്കുകയുമായിരുന്നു. പിന്നീട് സംഘവുമായി വാക്കുതർക്കമുണ്ടായപ്പോൾ നാട്ടുകാർ ഇടപെട്ട് ഇരുവിഭാഗക്കാരെയും തിരിച്ചയക്കുകയും ചെയ്തു. ഇതിന് ശേഷമാണ് സംഘം കുട്ടിയുടെ പിതാവിന്റെ കടയിലെത്തി മർദ്ദിക്കുകയായിരുന്നു.

കുട്ടിയുടെ പിതാവിന്റെ പരാതിയിൽ പൊലിസ് കേസെടുത്ത് അന്വേഷണം ആരംഭിച്ചു.

12 year old manhandled alleging  homosexual