അമിത് ഷാ പിണറായിയിലേക്കില്ല, കേരള സന്ദര്‍ശനം റദ്ദാക്കി

ജനരക്ഷാ യാത്രയുടെ പിണറായിയിലെ പദയാത്രയില്‍ ബിജെപി ദേശീയ അധ്യക്ഷന്‍ അമിത് ഷാ പങ്കെടുക്കില്ല. ദില്ലിയിലെ തിരക്ക് കാരണം പദയാത്രയില്‍ അമിത് ഷാ പങ്കെടുക്കില്ലെന്നാണ് ബിജെപി നേതൃത്വം നല്‍കുന്ന വിശദീകരണം.  മമ്പറം മുതല്‍ തലശേരി വരെയാണ് ഇന്നു പദയാത്ര. പിണറായി വഴി കടന്നു പോകുന്ന യാത്ര വൈകിട്ട് തലശേരിയില്‍ സമാപിക്കും. തലശ്ശേരി പുതിയ ബസ് സ്റ്റാന്‍ഡില്‍ വൈകീട്ട് അഞ്ചിന് നടക്കുന്ന പൊതുയോഗത്തില്‍ അമിത് ഷാ സംസാരിക്കമെന്നാണ് നേരത്തെ അറിയിച്ചിരുന്നത്.   17നു തിരുവനന്തപുരത്താണ് ജാഥ സമാപിക്കുന്നത്.