നാഗ ചൈതന്യയുടേയും സാമന്തയുടേയും വിവാഹം ഇന്ന്; ആദ്യ ചിത്രങ്ങള്‍ പുറത്ത്

തെന്നിന്ത്യന്‍ താരങ്ങളായ നാഗ ചൈതന്യയുടേയും സാമന്തയുടേയും വിവാഹം ഇന്ന്. ഇന്നും ഞായറാഴ്ചയുമായാണ് വിവാഹ ചടങ്ങുകള്‍. ഗോവയിലാണ് വിവാഹ ചടങ്ങുകള്‍ നടക്കുന്നത്. ഹൈദ്രാബാദിലാണ് വിവാഹ സത്കാര ചടങ്ങുകള്‍ നടക്കുക. ഹിന്ദു ആചാരപ്രകാരവും ക്രൈസ്തവ ആചാരപ്രകാരവും വിവാഹ ചടങ്ങുകള്‍ നടക്കും. സാമന്ത താന്‍ വിവാഹത്തിന് അണിയുന്ന വസ്ത്രങ്ങള്‍ ഇന്‍സ്റ്റാഗ്രാമിലൂടെ പുറത്ത് വിട്ടിരുന്നു. നാഗ ചൈതന്യയുടെ മുത്തശ്ശിയുടെ സാരിയാണ് സാമന്ത ഹിന്ദു ആചാരപ്രകാരമുള്ള വിവാഹത്തിന് ധരിക്കുന്നത്.